Sol arqyly qala turǵyndary memlekettik mekemelerge ár túrli máseleler boıynsha onlaın tártibinde tikeleı habarlasa alady,- dep habarlaıdy Atyraý oblystyq óńirlik kommýnıkasııalar qyzmeti.
Mobıldi qosymshany búginnen bastap júktep alýǵa bolady, ol úshin App Store nemese Play Market –tiń izdeý jolyna ACQ Atyraý dep jazsa jetkilikti. Qosymsha qurylymy 6 negizgi bólimnen turady, olar jumysqa ornalasý, qoǵamdyq baqylaý, TKSh, qoǵamdyq kólik, bilim, suraq qoıý sekildi mańyzdy máseleler men salalarǵa arnalǵan.
Ár bólimde mázir bar, qoldanýshy qajet baǵandy tańdap, saýalyn qaldyra alady. Barlyq bólimde foto men beıne engizý qyzmeti ornatylǵan, túrli buzýshylyqtarǵa kýá bolǵan azamattar foto men beınejazbasyn jibere alady.
Joǵaryda kórsetilgen bólimder boıynsha oblys ortalyǵynyń turǵyndary saýaldaryn joldap, anyqtalǵan buzýshylyqtar týraly aqparat jiberedi nemese memlekettik organdardan túpkilikti málimet alady.
Mysaly, bilim baǵanynda balabaqsha, kolledj, ýnıversıtetter týraly málimet alyp, ótinimin bere alady. Al jumys izdeýshilerge eńbek bırjasy men bos jumys oryndary týraly aqparat paıdaly bolmaq, bul bólim kún saıyn jańartylady.
Bolashaq talapkerler oqý oryndarynyń tizimimen, meken-jaıymen tanysyp, qyzyqtyrǵan suraqtaryn qaldyra alady. Jaqyndary destrýktıvti dinı aǵymdardyń yqpalyna tap bolǵandar nemese seziktenetinder psıhologtarǵa habarlasyp, dintanýshy mamandardan aqparat alady. Bul bólimde ótinimdi anonımdi túrde qaldyrýǵa bolady.