Soltústik Qazaqstan aýmaqtyq kásipodaq uıymynyń tóraǵasy bolyp Erik Nuraqaev saılandy.
Jańa laýazym ıesin ujymǵa QR kásipodaq federasııasy tóraǵasynyń orynbasary Muhtar Tinekeev tanystyrdy.
«Erik Esimulynyń basshylyq salasyndaǵy tájirıbesi mol. Esil, Aqjar aýdandarynyń, Petropavl qalasynyń ákimi, oblys ákiminiń orynbasary sekildi eńbek joldarynan ótken», dedi ol.
Jıynǵa qatysqan oblys ákiminiń orynbasary Asqar Saqypkereev eńbek ujymdarymen 90 myń qyzmetkerdi qamtıtyn 1650 memorandýmǵa qol qoıylǵanyn, eńbek sharttaryn odan ári jetildirý, eńbek qaýipsizdigin saqtaý basty talap bolyp qala beretinin jetkizdi.
Uzaq jylǵy eńbegi úshin aýmaqtyq kásipodaq uıymynyń burynǵy tóraıymy Jamal Ahmetovaǵa alǵys aıtylyp, qurmet kórsetildi.
О́mir Esqalı,
«Egemen Qazaqstan».
Soltústik Qazaqstan oblysy