Jańa baǵdarlama muǵalimderge úlken júk bolyp otyr

Oǵan qosa, oqýlyqtar men oqý-ádis­temelik keshenderdiń qoǵam­dyq pikirdi, ata-analardyń talaptary men el zııalylarynyń kóz­qarastaryn eskere otyryp, jyl saıyn qaıta shyǵarylýyn da qup­tarlyq is dep sanaımyz. 

Áıtkenmen, jańartylǵan baǵ­dar­lama joba retinde mektepterge jol tartqanda, ol muǵalimge úlken júk bolyp jetip otyr. Jalpy, mek­tepterge joba emes, onyń jan-jaq­ty oılastyrylǵan nusqasy kelýi ke­rek edi. 

Burnaǵy jyly keı máseleler áli túsiniksiz boldy, biri orynda­lyp, biri iske aspaı jatty. Al ustazdar tap byltyrǵydaı qına­la qoımaǵan edi. О́tken jyly máse­lege jan-jaq­ty qarap, barlyq ju­mys­ty qolǵa al­ǵan kezde jaǵdaı kúr­delenip ketti. Res­pýblıka boıyn­sha top quryp, bir-birimizben baılanysqa shyqqaly táji­rıbeli mu­ǵa­lim úshin de, jas maman úshin de uıqysyz túnder men sharasyz áre­ketter júıkege kúsh bolyp tús­­ti. Kúndi túnge aıyrbastaǵan keı árip­testerimiz túngi eki-úshte habarlasyp jatady. 

Biz úshin búginde ne qıyn? Birin­shiden, ár is-áreketimizge esep berý, ár ótkizgen jumysymyzǵa saraptama jáne moderasııa jasaý; ekin­shiden, qaptaǵan qaǵazdardy shyǵarý. Son­dyqtan salalyq mı­nıs­trlikten myna máselelerdi je­ńildetý sharalaryn qarastyrýdy surar edik. Biz­diń tamyz aıynda uzaq merzimdi jos­par jasaýǵa, bıylǵy oqý jylyna arnalǵan úlgilik oqý jospary men jańa oqý jylyna nusqaýlyqty shy­ǵaryp alýǵa shamamyz jetedi. Al orta merzimdi jospar (oqý jospary) tym kóp bolǵandyqtan, elektrondy nusqasyn paıdalanýǵa, qysqa merzimdi jospardyń ornyna jan-jaqty taldanyp jasalǵan (avtorlarǵa alys!) oqýlyqqa ádis­teme­likterdi qoldanýǵa ruqsat etilse degen tilegimiz bar. Al búgingi ótken sabaqqa saraptama, moderasııa, ata-anaǵa rýbrıka tárizdi jumystar múl­dem alyp tastalsa, nur ústine nur bolar edi. Sondaı-aq oqýshy port­folıosynyń talaptaryn jeńil­detý, joǵarydan kelip jatqan tek­seristerdiń ádistemelik kómekke aýys­tyrylýy suralady. Buǵan qosa, test­tik jumystar úshin oqýshyǵa jáne ustazǵa jeke dápter shyǵarylǵany jón bolar edi. Synyptaǵy 25 balaǵa bir testtik jumys úshin (ata-anaǵa rýbrıkany qosqanda ár oqýshyǵa keminde úsh bet) 75 paraq qaǵaz kerek, bir toqsanda azy 20 test, nátı­jesinde, 1500 paraq qaǵaz (3 páshke) qajet. Ár ustaz kartrıdjdiń boıaýyn eseptemegende, bir toqsanda 6-7 páshke qaǵaz jumsaıdy. Jas maman úshin bul úlken shyǵyn. 

Budan basqa qıyndyqtar men shyǵyn­dardy (kúndelik.kz; mektep­te ǵalamtordyń nashar isteýi; jeke kompıýterdiń jetispeýshiligi; ınter­belsendi taqtalardyń joqtyǵy nemese tolyqqandy istemeýi; elektron­dy qurylǵylardyń eskirýi nemese ýaq­tyly antıvırýs qosýǵa qarjy bólinbeýi) eseptemegen kúnniń ózin­de, eger joǵarydaǵy aıtylǵan máse­leler sheshilse, ár ustaz «bú­gin­gi sabaq­ty qalaı ótkizsem, qan­daı resýrs­tar izdesem» deýmen oqý­shy­nyń aldyna jaqsy kóńil hoshymen ba­rar edi. 

Ustaz úshin sabaqty qyzyqty etip ótkizý; jetkinshekterdi rýhanı tur­ǵyda tárbıeleý; erteńgilikter ótkizý; oqýshylardyń damýyna jaǵdaı jasap, túrli sharalarǵa, mektepishilik jumystarǵa qatystyrý; dápterleri men kúndelikterin tekserý; ata-ana­larmen jumys isteý; óz bilimin kó­terý; joǵarydan kúndelikti kelip jat­qan nusqaýlardy oryndaý; t.b. is-áreketter kún  saıyn atqarylatyn ju­mystar. Alaıda, qazirgi tańda arqasyna eselep artyq júk túsken (jas mamandardy bylaı qoıǵanda) tájirıbeli muǵalimderdiń óziniń júregi shaılyǵyp otyrǵan jaǵdaı bar. 

Bilim jáne ǵylym mınıstrligi res­pýblıka boıynsha sabaq beretin 2-synyp ustazdarynyń osy hatyn aıaqsyz qaldyrmaıdy ǵoı dep úmittenemiz.   Jamal SMAǴUL, 2-synyp muǵalimi 

Aqmola oblysy,  Birjan sal aýdany,  Sáýle aýyly