Bul másele oblys ákimdiginde ótken bilim berý basqarmasynyń alqa májilisinde aıtyldy.
Oblys ortalyǵynda memlekettik pedagogıkalyq ýnıversıtet bar,pedagogıkalyq kolledj de bar. Eki oqý ornynyń jyl saıyn oqý bitirip shyǵatyn mamandary qaıda júr? Kolledjdiń bar-joǵy belgisiz. BAQ-ta, jalpy ákimdiktegi jıyn, otyrystarda mektepke deıingi jáne bastaýysh synyp muǵalimderin daıyndaýdaǵy kolledj jumysy jaıly aıtylmaıdy.
Al, óńirde bastaýysh synyp muǵalimderiniń de tapshylyǵy baıqalýda. Elimizde qabyldanǵan «Dıplommen aýylǵa!» baǵdarlamasynyń qalaı júzege asyp jatqanyn osy mysaldardan kórinedi. Jalpy óńir boıynsha bastaýysh synyptarǵa - 63, matematıka pánine- 57, orys tili men ádebıeti pánine - 50 jáne aǵylshyn tilinen 50 muǵalim qajet eken. Ekibastuz qalasy men qala aýmaǵyndaǵy aýyldar 129 ustazdy kútýde. Tipti, orta bilim mazmunyn jańartý aıasynda «Nazarbaev zııatkerlik mektebi» avtonomdy bilim berý uıymyna qarasty pedagogıkalyq sheberlik ortalyǵynda óńirdiń 2 myńdaı muǵalimi kýrstan ótipti. Jazǵy ýaqytta bastaýysh synyp, qazaq tili jáne aǵylshyn tili, fızıka, matematıka, bıologııa, hımııa, ınformatıka, geografııa, Qazaqstan tarıhy jáne dúnıe júzi tarıhy pánderiniń muǵalimderi biliktiligin arttyrǵan. Nátıje qajet. О́ńirdiń bilim salasyna jaýapty orynbasary Meıram Begentaevqa oblys ákimi Bolat Baqaýov «mektepterge muǵalimder izdeý» atty bastamany jedel qolǵa alýdy tapsyrdy.
Farıda Byqaı, «Egemen Qazaqstan»
PavlodaPavlodar