Shyǵysqazaqstandyq jeńil atlet Elına Mıhına О́skemende elimizdegi alǵash qurylǵan «Altay Athletics» kásibı jeńil atletıka sport klýbymen kelisimshartqa otyrdy.
Segiz jasynan bastap jeńil atletıkaǵa den qoıǵan jas sportshy oblystyq, respýblıkalyq deńgeıdegi dodalarda únemi júldegerler qatarynan kórinip keledi. Azııa oıyndarynyń chempıony, Azııa chempıony, Olımpıada oıyndarynyń qatysýshysy jýyrda ǵana О́skemende ótken jeńil atletıkadan jabyq keshendegi Qazaqstan Respýblıkasynyń chempıonatynda 400 metr qashyqtyqqa júgirýde top jarǵan bolatyn.
«Kelisimshart osy jyldyń shilde aıynyń 1-ne deıin, ıaǵnı 6 aıǵa jasaldy. Aldaǵy maqsatym – saıystarda tek joǵary nátıjeler kórsetip, aıanbaı eńbektený. Mundaı múmkindikti qur jiberýge bolmaıdy. Eger jospar oryndalmaǵan jaǵdaıda, onda klýbpen kelisimshart toqtatylmaq», – dedi jeńil atlet.
Atalmysh klýb Shyǵys Qazaqstan oblysynyń ákimi Danıal Ahmetovtyń tapsyrmasymen qurylyp, tusaýkeser rásimi 2017 jyly 3 qarashada ótken edi. Aıta ketý kerek, klýb músheleriniń quramyna Olımpıada oıyndarynyń chempıony Olga Rypakova, Varvara Nazarova, Artýr Gafner syndy sportshylar endi. Keıbir sportshylar «Gaýhar Lıgasynda» jáne túrli halyqaralyq jarystarda joǵarǵy kórsetkishke qol jetkizip, júldeger atanyp úlgerdi.
Azamat QASYM, «Egemen Qazaqstan»