Elorda ákimdiginde jańa memlekettik organdardy qurý jáne memlekettik ókilettikterdi qaıta bólýge qatysty oryn alatyn ózgerister talqylandy. Astana qalasy ákiminiń birinshi orynbasary Sergeı Horoshýnnyń tóraǵalyǵymen ótken keńeste turǵyn úı qurylysy aıasynda júzege asqan jobalardyń qorytyndylary shyǵaryldy dep habarlaıdy astana.gov.kz.
Keńeste 2017 jyldyń qorytyndysy belgili bolyp, problemaly nysandarǵa qatysty máseleler kóterildi.
Mem lekettik arhıtektýralyq-qurylys baqylaý basqarmasynyń basshysy Tólegen Qulyshev ótken jyly júrgizilgen jumystyń nátıjelerine toqtalǵan bolatyn.
Onyń derekterinshe 2015-2017 jyldar aralyǵynda qurylystyń sapasy birshama joǵarylap, salynyp jatqan ǵımarattardyń sapasyna qatysty túsken shaǵymdar edáýir kemigen.
«Zańǵa qaıshy keletin qurylystyń joly kesilgennen keıin óz erkimen ǵımaratty salý degen de joǵaldy. 2017 jyly ákimshilik jaýapkershilikke 655 sýbekt tartyldy. Keltirilgen zalal 114 173 568 teńgeni qurady. Búginge deıin 520 sýbekten 76 363 653 teńge óndirildi. Ákimshilik sot arqyly jaýapkershilikke 460 sýbekt tartylyp, 35 815 940 teńge óndirildi», - dep málimdedi T. Qulyshev.
О́z sózinde ol sońǵy úsh jyl ishinde basqarýdyń ákimshilik tájirıbesi de arta túskenin atap ótti.
«Eger buryn ár jetinshi istiń sot pen prokýratýra kúshin joısa, búgin ondaı fakt joq. Budan bólek, zańsyz qurylys boıynsha pármendi sanksııalardyń joqtyǵy saldarynan 2016 jyly qurylysty zańsyz dep taný jáne ony súrý jónindegi shaǵymdardy túsirý isiniń sot tájirıbesi rettele bastalady. Buryn sottar ákimshilik tájirıbeniń negizinde mundaı shaǵymdardy qabyldamaıtyn», - dedi T. Qulyshev.
Spıkerdiń aıtýyna qaraǵanda, sottarǵa jyl basnynan jeke jáne zańdy tulǵalarǵa qatysty qurylysty ýaqytsha toqtatý, nysandardy paıdalaný jáne qulatý jónindegi 41 shaǵym túsken. Olardyń on altysyn sot qanaǵattandyrsa, jıyrmasy sottyń qaraýynda jatyr.
2017 jyldyń basynan vedomstvonyń sáýlet, qala qurylysy jáne qurylys salasyn qamtıtyn jobalardy basqarý boıynsha mekemeni akkredıtasııalaý sııaqty qosymsha fýnksııasy bar.
«Úsh jyldyń ishinde basqarma 3587 lısenzııany berdi. Al 2017 jyly 1654 qurylys lısenzııasy berildi. Qazirgi tańda jumys istep turǵan kompanııalardyń kvalıfıkasııalyq talaptarǵa saı keletindigi tekserilip jatyr. Bilikti mamandardyń jumys isteýi, arnaıy jabdyqtarmen, tehnıkamen jaraqtandyrylýy nysandar qurylysynyń sapasyna áser etedi. О́tken jyly osyndaı negizdegi 30 lısenzııanyń kúshi toqtatyldy», - dep atap ótti basqarma basshysy.
Ákimdik qaýlysynyń negizinde aqpanda jańadan «Astana qalasy ortasynyń baqylaýy men sapasy basqarmasy» qurylatyn bolady. Atalmysh vedomstvoǵa mem lekettik arhıtektýralyq-qurylys baqylaý basqarmasynyń fýnksııalary men ókilettikteri, arhıtektýra, eńbekti qorǵaý, turǵyn úı ınspeksııasy, veterınarııa ınspeksııasyna qatysty keıbir suraqtar, jer qatynastary basqarmasynyń baqylaý-qadaǵalaý fýnksııalary beriledi. Aldaǵy ýaqytta qurylys jumystary júrip jatqan nysandardy tekserý kezinde suraqtar keshendi túrde qamtylatyn bolady.
Inspektor QR zańnamasynyń arhıtektýralyq-qurylys, turǵyn úı zańnamasy, eńbekti qorǵaý, jer zańnamasy jáne t.b. turǵysynda saqtalýyn tekseretin bolady.
Sondaı-aq problemaly nysandarmen jumys boıynsha basqarmanyń qoldaýymen VAK-nyń jumysy aıasynda 100-den astam nysannyń qurylysy aıaqtaldy.
Atqarylǵan jumystardyń nátıjesinde baspananyń 380 myń sharshy metri paıdalanýǵa berilip, 6370 adam qonys toıyn toılady.
Tólegen Qulyshev qurylysqa úleskerlikpen qatysýdyń negizgi problemalaryna da toqtalyp ótti.
Onyń oıynsha, tıisti ruqsat hatynsyz úleskerlerden aqsha jınaý, qurylys kompanııasynyń óz mindetterin oryndamaýy, qarjynyń maqsatsyz jumsalýy qurylysqa úleskerlikpen qatysýdyń negizgi problemalary bolyp tabylady.
VAK jumysynyń aıasynda 2015-2017 jyldar aralyǵynda 100-den astam qurylys nysanyndaǵy páterlerdi zańsyz jolmen satý oqıǵalarynyń joly kesildi.
Osynyń nátıjesinde qurylys kompanııasynyń jetekshilerine qatysty 28 qylmystyq is qozǵaldy. Alaıaqtyq jáne zańsyz kásipkerlik qyzmet faktisi boıynsha kompanııalardyń 30 laýazymdy tulǵasy sotty boldy.
Zańdy attaǵan jetekshilerdiń 53 nysany búgingi tańda ákimdiktiń jiti baqydaýynda. Byltyr mundaı nysandardyń sany 69-dy quraıtyn.
«Qurylys jumystary júrip jatqan turǵyn úı keshenderindegi páterlerdiń zańsyz satylymynyń aldyn alý maqsatynda Astana qalasynyń prokýratýrasy 2017 jyldyń qazanynda tıisti ruqsatsyz páterlerdi jarnamalap, satýmen aınalysatyn qurylys kompanııasynyń jetekshiligine qatysty sharalardyń algorıtmin ázirledi. Basqarma da bul baǵyttaǵy jumystaryn jalǵastyryp jatyr», - dep túıindedi T. Qulyshev.
Keńes qorytyndysy boıynsha Astana qalasy ákiminiń birinshi orynbasary Sergeı Horoshýn vedomstvonyń jumysyna baǵasyn berip, qurylym qyzmetiniń tıimdiligin arttyrý boıynsha osy jylǵa arnalǵan maqsat-mindetterdi belgiledi.
«Qurylys jumystarynyń kólemi jóninde aıtar bolsaq, 2017 jyly bul kórsetkish 608 mlrd teńgeni quraǵan bolatyn. Bul - respýblıkadaǵy eń úzdik nátıje. Byltyr biz baspananyń 2 mln 357 myń sharshy metrin paıdalanýǵa berdik. Sońǵy birneshe jyldaǵy rekord mine osy. Turǵyn úı qurylysyna tartylǵan ınvestısııa kólemi 228 mlrd teńgeni qurady», - dep málimdedi Sergeı Horoshýn.