21 qańtarda elimizde aýa raıynyń qandaı bolatynyn aıtty, - dep habarlaıdy "Qazgıdromet".
Sınoptıkterdiń habarlaýynsha, antısıklonnyń áserinen Qazaqstannyń basym bóliginde jaýyn-shashynsyz bolady, tek batysta jáne soltústik-batystyń keı jerlerinde azdaǵan qar jaýady.
"Respýblıkanyń keı jerlerinde jeldiń kúsheıýi, tuman, batysynda kóktaıǵaq, soltústik-batystyń keı jerlerinde burqasyn kútiledi. Qyzylorda, Jambyl, Batys Qazaqstan oblystarynyń keı jerlerinde tuman túsip, jeldiń jyldamdyǵy sekýndyna 15-20 metrge deıin jetedi", - dep habarlady sınoptıkter.
Sonymen qatar, Aqmola, Qostanaı, Soltústik Qazaqstan, Qaraǵandy, Ońtústik Qazaqstan oblystarynyń keı jerlerinde tuman túsip, kúndiz jel kúsheıedi. Aqtóbe oblysynyń keı jerlerinde tuman, jeldiń jyldamdyǵy sekýndyna 18 metrge deıin ulǵaıady, al túnde burqasyn bolady.
"Atyraý oblysynyń keı jerlerinde tuman túsip, kóktaıǵaq bolady. Almaty oblysy Jalańashkól aýdanynda jel kúsheıip, jyldamdyǵy sekýndyna 15-20 metrge jetedi. Mańǵystaý, Pavlodar, túnde jáne tańerteń Shyǵys Qazaqstan oblystarynyń keı jerlerinde tuman bolady", - dep eskertti meteorologtar.