Almaty qalasynda Qazaqstannyń eńbek sińirgen qaıratkerleri – kúıshi Turar Álipbaev pen dırıjer Dáýren Ǵylymovtyń «Uly dala sazdary» atty shyǵarmashylyq konserti ótedi.
Konsertte Qazaqstannyń eńbek sińirgen qaıratkeri, shertpe kúıshi Janǵalı Júzbaı, respýblıkalyq, halyqaralyq konkýrstardyń laýreattary – Tolǵanbaı Sembaev (dástúrli ánshi), Azat Malık (barıton), Gúldana Aldadosova (soprano), Bastaý dýetiniń oryndaýshylary Ernat Naýryz ben Temirlan Oljabaı óner kórsetedi.
Saltanatty kesh 25 qańtar kúni 18:00-de ótedi.
Turar Álipbaev – 1987 jyly Almaty memlekettik Qurmanǵazy atyndaǵy konservatorııany bitirgen.
1984 jyly «Jiger» festıvali, 1990 jyly «Qurmanǵazy» atyndaǵy respýblıkalyq konkýrstardyń laýreaty atanǵan.
1990-1992 jyldary Qurmanǵazy atyndaǵy konservatorııa asperantýrasynda oqyp bitirgen.
1997-2010 j. Astana memlekettik fılarmonııasynyń janynan qurylǵan orkestriniń bas konsertmeısteri bolǵan.
1998 jyldan bastap Qazaq Ulttyq Mýzyka Akademııasynda qazirgi QazUО́Ý-de eńbek etýde.
1996 jyly QR oqý bilim úzdigi,1998 jyly QR eńbek sińirgen ártisi, 1998 jyly QazUО́A-nyń professory, 2007 jyly JAK dosenti, 2011 jyly QR táýelsizdiginiń 20 jyldyǵyna tósbelgi (medal);
Dáýren Ǵylymov – Qurmanǵazy atyndaǵy Almaty memlekettik konservatorııasynyń halyq aspaptary fakýltetin (1999) oqytýshy, orkestr ártisi mamandyǵy boıynsha; Qazaq ulttyq mýzyka akademııasy orkestr dırıjóri fakýltetin bitirgen (assıstenttik-synaq isi) (2003) halyq aspaptary orkestriniń dırıjeri, konserttik oryndaýshy mamandyǵy boıynsha bitirgen.
2008 jyldan beri Astana qalasynyń Memlekettik fılarmonııasy Qazaq halyq aspaptary orkestriniń dırıjeri.
Mádenıet qaıratkeri (2003). Sh. Qajyǵalıev atyndaǵy Respýblıkalyq baıqaýdyń dıplomanty (Oral, 2002).
N. Tilendıev atyndaǵy Dırıjerlar baıqaýynyń Gran-prı ıegeri (2004).