«Shyǵys» óńirlik qolbasshylyǵy О́skemen garnızonynyń 27943 jáne Aıagózdegi 10810 áskerı bólimderinde 2018 jyldyń birinshi oqý kezeńinde bólimshelerdiń, eseptoptardyń, rotalardyń jaýyngerlik mashyqtary pysyqtaldy.
О́skemen garnızonynyń 27943 áskerı bóliminde rotalyq – taktıkalyq tobynyń jattyǵýy uıymdastyryldy. Bóliminiń jaýyngerlik ázirlik josparyna sáıkes atysqa tartylǵan barlyq qurylymdar jaýyngerlik ázirliktiń joǵarǵy deńgeıine keltirildi. Jaýyngerlik mashınalar parkine kelip, belgilegen shartty aýdanǵa marshty júzege asyrý jóninde oqý-jaýyngerlik tapsyrmasyn aldy. Jeke quramnyń qımyly anyqtalǵan soń kolonna oqý polıgonyna jol tartty. Marsh kezinde motoatqyshtar bólimsheleri taktıkalyq daıyndyq boıynsha normatıvterdi oryndaýdan sheberlikterin shyńdady.
Oqý polıgonynda motoatqyshtar jáne barlaý bólimsheleriniń jaýyngerlik atysyn sapaly júrgizý maqsatynda barlaý rotasynyń komandıri, kapıtan Mereı Isenov barlaý rotasynyń 1 – barlaý vzvody 1 – bólimshesiniń jeke quramymen «Barlaý bólimshesi izdeýde» taqyrybynda, 1-shi motoatqyshtar rotasynyń komandıri, aǵa leıtenant E.Muqataev 1 motoatqyshtar rotasynyń 1 motoatqyshtar vzvody 1 motoatqyshtar bólimshesiniń jeke quramymen «Motoatqyshtar bólimshesi qorǵanysta» taqyryptarynda nusqaýshylyq – ádistemelik dárister ótkizdi. Sondaı-aq, dıversantty-barlaý toptary men eseptoptar áýedegi qarsylastyń shabýyldary kezindegi jáne zalalsyzdandyrylmaǵan aýdandy júrip ótýdegi qımyldardy da meńgerdi. Osylaısha eń aldymen zenıtti eseptoptardyń, zenıtti dıvızıondar bólimsheleriniń, budan soń motoatqyshtar bólimsheleriniń, 1 jáne 2 motoatqyshtar batalonynyń, sońynda shtabtyq batalonnyń barlaý rotasy bólimsheleriniń atysy júzege asty.
Jaýyngerlik atystyń nátıjesinde kishi serjant A.Qumarov, kishi serjant Dýlat Raqymov, serjant Aıdyn Nursultanov, serjant A.Jelnebekov, serjant Oljas Seıitqazın ózderiniń joǵary kásibı biliktilikterin kórsete bildi.
«Rotalardyń kúrdeli jaǵdaıdaǵy qımyl-áreketi men aýyzbirshiligin tekserý maqsatyndaǵy taktıkalyq jattyǵý áskerı bólimniń jaýyngerlik ázirlik josparyna sáıkes júzege asty. Ol 2 motoatqyshtar batalonynda jaýyngerlik atyspen «Memlekettik shekarany kúsheıtý kezindegi qorǵanys urysyn júrgizý» taqyrybynda ótti. Rotalyq-taktıkalyq toby jattyǵýdyń jospary boıynsha beıbit turǵyndarǵa zardaby tıer, aımaqtaǵy áskerı-saıası jaǵdaıdyń ýshyqqanyn paıdalanyp, memlekettik shekarany buzý arqyly zańsyz qarýlanǵan lańkester shekara jáne ákimshilik ǵımarattar men nysandardy basyp alyp, eldiń tynyshtyǵyn buzýdy kózdeıdi. Zańsyz qarýlanǵan quramnyń kózin joıý jáne memlekettiń áskerı qaýipsizdigin qamtamasyz etý maqsatynda buıryq alǵannan keıin rota komandıri, aǵa leıtenant Maqsat Qalmyrzaevtyń jetekshiligimen 4 motoatqyshtar rotasy dabylmen kóterilip, shoǵyrlaný aýdanyna marsh jasady. Jattyǵýǵa qatysýshylardyń birikken jedel qımylynyń nátıjesinde qarsylas toptyń kózi túgel joıyldy. Rotalyq – taktıkalyq tobynyń jattyǵýy óz maqsatyna jetti. Jeke quram taktıkalyq kásibı qımyldardy júzege asyrýdyń ádis-tásilderin jetildirip, sheberlikterin odan ári arttyrdy», - deıdi 27943 áskerı bóliminiń komandıriniń tárbıe jáne ıdeologııalyq jumystar jónindegi orynbasary Asyl Erǵalıev.
Al Aıagózdegi 10810 áskerı bólimi motoatqyshtar bólimshesinde bólimshelerdiń jaýyngerlik úılesimdiligin pysyqtaý kezeńi bastaldy. Atalǵan shara sheńberinde jaýyngerlik daıyndyq josparyna sáıkes áskerı qyzmetshilerge «Bólimsheniń jaýyngerlik atysty qoldana otyryp shabýyldaýy», «Bólimsheniń jaýyngerlik atysty qoldanbaı eldi mekende is-qımyl jasaýy» jáne túngi jaǵdaıda «Bólimsheniń jaýyngerlik atysty qoldana otyryp qorǵanys jasaýy» taqyryptarynda sabaqtar júrgizildi. Bólimshelerdiń komandırlerine jaýyngerlik tapsyrmalardy oryndaý kezinde tájirıbelik mashyqtaryn jetildirý jáne olardy tabysty oryndaý, qarsylasty taýyp olardyń kózin joıýǵa arnalǵan tapsyrmalar berildi.
Sonymen qatar, sabaqtar barysynda jaýyngerlik atystar kezinde avıasııanyń soqqysy, zararsyzdandyrylǵan mekennen júrip ótý, jeke quramdy túsirý, mına-jarylǵysh qorshaýdan ótý, sondaı-aq aldyńǵy shepte qarsylasqa shabýyldaý jáne kózin joıý sııaqty taqyryptar keńirek pysyqtaldy. «О́zderińiz bilesizder, jaýyngerlik daıyndyq josparyna sáıkes 2018 jyldyń 8 qańtary men 2 aqpan aralyǵynda bólimshelerdiń jaýyngerlik úılesmidiligi ótýde. Biz búgin bólimshelermen jaýyngerlik atys boıynsha nusqaýlyq-ádistemelik sabaqtaryn ótkizdik. Bólimshelerdiń jaýyngerlik atystary qorǵanys, shabýyldaý jáne arnaıy operasııalar taqyrybyn qamtydy», - dedi 10810 áskerı bólimi komandıriniń jaýyngerlik jáne dene daıyndyǵy jónindegi orynbasary, podpolkovnık Ádil Turǵynbaev.
Azamat QASYM, «Egemen Qazaqstan»