Astanalyq energetıkter aıazǵa baılanysty táýlik boıy jumys isteý rejımine kóshti, dep habarlaıdy Astana qalasy ákimdiginiń saıty.
Astana qalasy ákimi Áset Isekeshevtiń tapsyrmasymen qalany energetıkamen qamtýǵa jaýapty sala basshylary kúnniń sýytýyna oraı energetıkalyq keshenniń daıyndyǵyn tekserý maqsatynda jınalys ótkizdi.
Atap ótsek, qalany elektr energııasymen úzdiksiz qamtamasyz etip otyrǵan qosalqy stansııalar, sonyń ishinde «Shubar» stansııasy, «Astana REK» AQ ortalyq dıspetcherlik bólimshesi elektr júıesiniń jumysy tekserildi.
Jıynda energetıkalyq keshenderdiń basshylary daıyndyq jumystarynyń barysy týraly baıandady. Kún tártibinde táýlik boıy kezekshilik qoıý, elektr júıeleriniń jumysyn 10 paıyzǵa, jedel brıgada jumysyn eki esege arttyrý máseleleri qaraldy.
Sondaı-aq, aıaz kezinde jaýapty mamandardyń táýlik boıy kezekshilik jumysynyń kestesi jasalynyp, JEO-2 –niń daıyndyǵy da tekserildi.
Qazirgi ýaqytta qalamyzda 30 táýlikke jetetin kómir qory men 15 kúnge jetetin mazýt otyny bar.