Búgin, Aýǵanstan astanasy Kabýldegi Interkontınental qonaqúıinde terrorlyq shabýyl bolyp, 14 shetel azamaty jáne tórt Aýǵanstan azamaty kóz jumdy, dep habarlaıdy BBC.
Kýágerlerdiń aıtýynsha, terrorıster sheteldik azamattardy kózdegen. Ishki ister mınıstri qaýipsizdik qyzmetin jeke kompanııaǵa tapsyrý týraly jaqyn arada qabyldanǵan sheshimniń qate bolǵandyǵyn aıtty.
Aýǵan áskeri terrorıstermen túni boıy arpalysyp, 160 adamdy aman alyp qaldy.
Torýyl kezinde úsh qylmysker óltirilgen. On adam jaraqat alǵan. Sonyń tórteýi qarapaıym adamdar.
Kabýl polısııasy BBC basylymyna habarlaǵandaı, 9 ýkraındyq, bir germanııalyq, bir grekııalyq jáne bir qazaq azamatynyń qaıtys bolǵany rastalǵan. Taǵy ekeýi jeke málimetteri anyqtalýda.