Androıd Google kompanııasynyń eń ataqty operasııalyq júıeleriniń biri ekeni anyq. Sonymen birge, Chrome da kompıýterlerde jıi qoldanylatyn izdeý júıesi. Jaqynda, ataqty kompanııa jańa Fuchsia operasııalyq júıesin kompıýterlerge ornatqany belgili boldy. Alaıda, Google bul ónimdi áli resmı túrde tanystyrǵan joq.
Kompanııa bul Fuchsia operasııalyq júıesin jasaýdy 2016 jyldan beri bastap ketken. Alaıda kompanııa bul jobasy týraly ashqandaı aqparat taratpaǵan. Tek 2017 jyldyń mamyr aıynda jelide paıda bolǵan aqparattar jańa operasııalyq júıeniń «OS» dep atalatyny týraly jazǵan. Bul ınterfeıs kópterezelik jumys júıesin usynyp otyr.
Fuchsia ınterfeısi kross-platformalyq SDK «Flutter» arqyly jazylǵan. Jańa operasııalyq júıeni tek 2015 jyldan bastap shyǵarylǵan Intel NUC kompıýterleri jáne Acer Switch Alpha 12 sııaqty qurylǵylarynda qoldaný kerek.
Kók logotıpti Fuchsia-nyń joǵarǵy oń jaq buryshyndaǵy eki rejımniń arasynda ıaǵnı noýtbýk jáne telefonda ońaı aýysýǵa múmkindik beretin fýnksııa ornalasqan. Sonymen birge, operasııalyq júıede birshama jasyryn fýnksııalar ornalasqan. Mysalǵa, ýaqyt beldeýlerin aýystyrý úshin tizim kórsetilgenimen, ol áli durys jumys jasap turǵan joq.
Skott Adam Gordonnyń aıtýy boıynsha, bul operasııalyq júıeniń androıdtan basty aıyrmashylyǵy ol Linux-qa negizdelip jasalmaǵan. Eń basty ereksheligi, ol zamanaýı smartfondar men kompıýterlerde tez jumys jasaýǵa múmkindik beretin operasııalyq júıe.
Qazirgi kezde operasııalyq júıedegi trekpad, pernetaqta, sensorlyq ekran men USB porttary jumys istep tur. Biraq, Wi-Fi jáne de basqa mańyzdy fýnksııalar áli iske qosylmaǵan. Osyǵan qarap-aq bul operasııalyq júıeni tolyqtaı iske qosý úshin biraz ýaqyt bar ekenin aıtýǵa bolady.