Aqordanyń feısbýk paraqshasynda Memleket basshysynyń AQSh-qa resmı saparynyń aıasynda ótkizilgen kezdesýleri negizinde qol jetkizilgen ýaǵdalastyqtardy jarııalady, dep habarlaıdy "Egemen Qazaqstan".
1. Qazaqstannyń áýe parki Boeing 737 MAX 8 jáne Boeing 787 Dreamliner ushaqtarymen tolyǵatyn boldy. Tapsyrys kólemi – 9 ushaq. 2. Elimizdiń temir joldarynda 2019 jyldan bastap General Electric kompanııasynyń tirkemeli lokomotıvteri jolaýshy tasymaq. Temirjol parkine qosylatyn GE lokomotıvteriniń sany – 300. 3. Qazaqstannyń densaýlyq saqtaý qyzmetin damytýǵa AQSh-tyń syrqattardy baqylaý men aldyn alý ortalyqtary septesedi. Nazarbayev University – University of Pittsburgh Medical Center (UPMC) halyqaralyq onkoortalyq qurýǵa jumys jasaýda. 4. Elimizde dári-dármekti tasymaldaý men saqtaý úshin salqyndatý júıelerin damytý boıynsha alǵashqy qadam – «Pfizer» kompanııasymen túsinistik memorandýmyna qol jetti. 5. Chevron men Qazaqstan elimizdegi birikken jobalardan túsken 251 mıllıon dollardy munaı men gaz jobalaryna qaıta ınvestısııalaýda ózara túsinistik tapty. 6. AQSh Qazaqstanda aǵylshyn tiline qoljetimdilikti jaqsartý baǵdarlamasyna resýrstyq qoldaý kórsetpek. Bıyldan bastap amerıkalyq muǵalimder óńirlerde aǵylshyn úıretip, turmysy tómen otbasylardan shyqqan 480 balaǵa til úırený stıpendııasy bólinbek