Á.Qasteev atyndaǵy Memlekettik óner mýzeıiniń Ortalyq kórme zalynda Alan Muhıtdınov pen Álibek Qarataıdyń «Eki álem – eki taǵdyr» atty kórmesi ashyldy. Kórme dúnıeni qabyldaý sezimi basqalarǵa uqsamaıtyn eki bozbalanyń shyǵarmashylyǵyn qamtyǵan. Tabıǵat olardy erekshe etip jaratty. Aýtızm olarǵa ózderiniń oılaryn bildirýge kedergi bola alǵan joq. Bala kezderinen olar ózderiniń sheberligin shyǵarmashylyq arqyly kórsetip keledi. Kórmege 100-den astam týyndy qoıylǵan.
Álibek pen Alan qurdas, jastary 19-da. Álibek keskindememen áýestenedi, degenmen, onyń súıikti isi plastılınnen japsyryp, óziniń tól mýltfılmderin jasaý. Bul onyń úı-ishine kútpegen oqıǵa bolǵan kórinedi. Ol óz betimen kompıýterlik baǵdarlamalardy meńgerip, solardyń kómegimen anımasııa jasaıdy. Túrli sıýjet oılap taýyp, óziniń plastılın keıipkerlerine túrli minez-qulyq pen qasıet beredi. Álibek mýltfılmderiniń ssenarıılerin de ózi jazady, olardy ózi dybystaıdy. Ol eshteńeni de ekinshi orynǵa qoımaıdy, árbir detaldy ábden jetildiredi. Ár japsyrylǵan músinge erekshe den qoıady da sol keıipkerlerimen dos bolyp ketedi. Álibektiń T.Júrgenov atyndaǵy QazUО́A ustazdarynan alǵan sabaǵy zaıa ketken joq. Akademııalyq stılde oryndaǵan jumystary – sonyń nátıjesi.
– Alan akvarelmen, gýashpen, pastelmen jáne qaryndashpen sýret salady. Onyń «Sharlar», «Kýbıkter», «Úshburyshtar» dep atalatyn jumystary erekshe nazar aýdartady. Bulardy ol maıly boıaýmen oryndaǵan. Bul – geometrııalyq fıgýraly abstraktyly kompozısııa. Tańdalyp alynǵan materıaldyń jyly qanyq tústeriniń arqasynda olardyń jumsaq faktýralary qarama-qarsy tústerdi jaqyndastyra túsedi. «Áınektiń arǵy jaǵynda» atty kartınasynda sýretshi jyp-jyly sary ala jamylǵysynyń ústine jaılap qys túsip kele jatqan kúzdiń kóńil-kúıin beredi. Alan – ásershil de zerek bala. Bir kúni ol kovboılar týraly kıno kórdi. Sonyń áserinen «Sherıf bolǵym keledi» kartınasyn jazdy. Budan balanyń ózin erlik pen namysty tý etken, álsizderdi qorǵaıtyn keıipkerge uqsatqysy kelgen talabyn kóresiz, – deıdi kórme jetekshisi Natalııa Bajenova.
Á.Qasteev atyndaǵy MО́M erekshe muqtaj sýretshilerge baǵyttalǵan áleýmettik mańyzdy jobalardy udaıy qoldap keledi. Bul – erekshe daryndy balalardyń bolashaqtaǵy ómirlik jolyn tabýyna qoldan kelgen múmkindikti jasap, qoldaý kórsetýge nıet etip otyrǵan «Darai» jáne «Pioner concept» Qoǵamdyq qorlarynyń synamaly jobasy.
Arman OKTIаBR, «Egemen Qazaqstan»
ALMATY