Atyraý oblysynyń ákimi Nurlan Noǵaev aımaqtaǵy zańsyz balyq aýlaýshylarmen kúres tıimdi bolý úshin sý polısııasy men balyq ınspeksııasynyń qosymsha bólimderin ashý máselesin sheshýdi tapsyrdy, - dep habarlaıdy Atyraý oblystyq óńirlik kommýnıkasııalar qyzmeti.
Nurlan Noǵaev Qurmanǵazy aýdanynda óńirdegi balyq sharýashylyǵynyń problemalaryna qatysty kóshpeli jınalys ótkizdi. Oǵan memlekettik organdar men quqyq qorǵaý salasynyń ókilderi, balyq aýlaıtyn kooperatıv basshylary qatysty. Jınalysta balyq salasyn retteý, zańsyz balyq aýlaýmen kúres máselesi qaraldy.
Shara barysynda quqyq qorǵaý jáne baqylaýshy organdardy kadrlarmen qamtamasyz etý máselesi de kóterildi. Nurlan Noǵaev basshylardy brakonerlikpen kúreste aldyńǵy shepte bolatyn mamandardy muqııat tańdaýǵa shaqyrdy. Eger jasalyp jatqan jumystar nátıje bermese, belgili bir sebepteri bolýy kerek.
-Demek ol mamandar brakonerlermen sybaılas deýge negiz bar, jumys isteýge nıetteri joq degen sóz. Al eger naqty osylaı bolsa, ondaı adamdardy jumystan bosatyp, ózine jaýapkershilik pen mindet ala alatyn, jumys isteıtinderdi qyzmetke alý kerek, - dedi Nurlan Noǵaev.