Búgin Almatyda Memleket basshysy N. Nazarbaevtyń bastamasymen ótip jatqan «Jahandaný dáýirindegi sıfrlyq kún tártibi» forýmy aıasynda QR Premer-Mınıstri Baqytjan Saǵyntaev aqparattyq tehnologııalar salasyndaǵy yntymaqtastyq máseleleri jóninde halyqaralyq kompanııalardyń basshylarymen jáne sheteldik sarapshylarmen kezdesti, dep habarlaıdy primeminister.kz.
Kezdesýge Gartner kompanııasynyń vıse-prezıdenti Andrea Dı Maıo, Ulybrıtanııa Úkimetiniń tehnologııalar jónindegi keńesshisi Lıam Maksvell, Dúnıejúzilik banktiń sıfrlyq strategııa jáne úkimettik saraptaý jónindegi keńesshisi Randıp Sýdan, Dúnıejúzilik banktiń AT jáne elektronıka baǵytynyń basshysy Danıl Kerımı, Reseı men TMD-daǵy IDC vıse-prezıdenti Robert Farısh qatysty.
Kezdesý barysynda QR Premer-Mınıstri Baqytjan Saǵyntaev QR Prezıdenti N. Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýynyń negizgi mindetteri týraly aıtyp berdi. Qatysýshylar, sondaı-aq, «Sıfrlyq Qazaqstan» memlekettik baǵdarlamasynyń negizgi baǵyttaryn jáne shet memleketter men iri kompanııalardyń sıfrlyq transformasııalaý tájirıbesin talqylady.
«Bizdi Qazaqstanǵa shaqyrǵanyńyz úshin alǵys aıtamyz. Biz — úkimetter, ózara básekelespeımiz, sondaqtan da birqatar máseleler boıynsha yntymaqtasýǵa múmkindik bar ekenin atap ótken jón. Biz óte kóp ýaqyt jumsadyq (esk. – sıfrlandyrý prosesi týraly), al búginde óz tájirıbemizben bólise alamyz. Sizderge túrli eldermen yntymaqtasýǵa keńes beremiz. Biz Malaızııamen, Sıngapýrmen yntymaqtastyq ornattyq, Ýrýgvaımen ózara árekettesý jaǵdaılaryn jasap jatyrmyz», — dedi Ulybrıtanııa Úkimetiniń tehnologııalar jónindegi keńesshisi Lıam Maksvell.
Dúnıejúzilik banktiń AKT sektorynyń basshysy Randıp Sýdan Almatyda ótkizilip jatqan forýmnyń paıdasy men túrli kózqarastardy zertteýdiń mańyzdylyǵyn atap ótti. «Tájirıbe kórsetkendeı, birinshiden, máseleni anyqtaý jáne mindetterdi belgilep alý mańyzdy. Ekinshiden, bul – osyndaı forýmdarda jumys nátıjelerin qorytyndylaý múmkindigi», — dedi Randıp Sýdan.
Gartner kompanııasynyń basqarýshy vıse-prezıdenti Andrea Dı Maıo álemdik sıfrlandyrý tájirıbesi týraly aıta otyryp, ýaqytsha parametrlerge toqtalyp ótti.
«Josparlarǵa aldyn ala nazar aýdarý kerek, sondaı-aq, eń bastysy – negizgi basymdyqtardy túsiný úshin ishki jaǵdaıǵa jáne aınalaǵa kóz tastaýdy usynamyn. Qazir sizderde baǵdarlama men júıeli basymdyqtar bar. Sizderdiń keleshegińiz – 2020–2025 jyldar, odan ári transformasııa prosesi ondaǵan jyldar boıy jalǵasa beredi», — dedi Andrea Dı Maıo.
Reseı men TMD-daǵy IDC vıse-prezıdenti Robert Farısh óz kezeginde, joǵary deńgeıdegi kóshbasshynyń sıfrlandyrý jumysyna qatysqany óte mańyzdy ekenin aıtyp ótti. Sarapshynyń pikirinshe, bul – jumys tıimdiligin arttyrady.