«Báıterek» Ulttyq basqarýshy holdıngi» AQ basqarmasynyń sheshimimen Nurjan Nurlanov «Báıterek» holdınginiń basqarýshy dırektory bolyp taǵaıyndaldy, dep habarlaıdy holdıngtiń baspasóz qyzmeti.
Nurlanov Nurjan Nurlanuly Q.Sátbaev atyndaǵy Qazaq ulttyq tehnıkalyq zertteý ýnıversıtetin munaı-gaz isi mamandyǵy boıynsha bitirip, tehnıka jáne tehnologııa bakalavry dárejesin, Ulybrıtanııadaǵy American InterContinental University-di bıznes-ákimshilendirý mamandyǵy boıynsha bitirip, bakalavr dárejesin, Ýels ýnıversıtetin bitirip, marketıng mamandyǵy boıynsha magıstr dárejesin alyp shyqqan, ekonomıka ǵylymdarynyń kandıdaty.
«KAZNEX INVEST» Eksport jáne ınvestısııalar jónindegi ulttyq agenttigi» AQ-da menedjer, Investısııalyq yntymaqtastyq departamentiniń dırektory, О́ńirlik yntymaqtastyq qyzmetiniń basqarýshy dırektory bolyp qyzmet etken. QR Premer Mınıstriniń Kanselıarııasynda jergilikti damý bóliminiń eksperti (2012-2013), «QazTransGaz Aımaq» AQ fınans jónindegi basqarýshy dırektory (2013-2014), «QazTransGaz» AQ gaz marketıngi jónindegi basqarýshy dırektory (2014-2015), «QazTransGaz» AQ marketıng jáne kommersııa jónindegi basqarýshy dırektory (2015-2016), «QazTransGaz» AQ Bas dırektordyń tehnıkalyq saıasat jónindegi orynbasary (2016-2018) laýazymdaryn atqarǵan.