Ońtústik Qazaqstan oblysynyń ákimi Janseıit Túımebaevtyń ókimimen jańadan qurylǵan jáne ataýlary ózgergen basqarmalardyń basshylary taǵaıyndaldy, dep habarlaıdy QazAqparat.
Atap aıtqanda, Kásipkerlik jáne ındýstrıaldy-ınnovasııalyq damý basqarmasynyń basshysy bolyp Batyrhan Qurmanseıit, Aqparattandyrý, memlekettik qyzmetter kórsetý jáne arhıvter basqarmasy basshysy laýazymyna Bastar Esqaraev taǵaıyndaldy.
Otbasy, balalar jáne jastar isteri jónindegi basqarma basshysy qyzmetin Balmarjan Narbekova atqaratyn boldy.
Al Mádenıet jáne tilderdi damytý basqarmasy basshysy mindetin ýaqytsha atqarý Asylhan Temirhanǵa tapsyryldy.
«Ontustik Tourism Center» týrızm ortalyǵynyń dırektory Oljas Shıntaev atalǵan qyzmetinen bosatyla otyryp, Týrızm jáne syrtqy baılanystar basqarmasy basshysynyń mindetin ýaqytsha atqarýshy bolyp taǵaıyndaldy.
Aıta keteıik, Ońtústik Qazaqstan oblysynyń ákimdiginde 23 basqarmanyń keıbirinen birqatar mindetter alynyp, tórt basqarmanyń ataýy ózgertildi. Sondaı-aq jańadan taǵy bir basqarma quryldy.