Qazgıdromettiń habarlaýynsha, atmosferalyq aǵyndardyń ótýine baılanysty búgin respýblıkanyń basym bóliginde qar, jaıaý burqasyn bolady. Tek soltústik, shyǵys jáne ońtústik-shyǵys aımaqtarda jaýyn-shashyn bolmaıdy. Keı jerlerde tuman túsip, kóktaıǵaq bolady, jel kúsheıedi.
Almaty oblysynyń Jalańashkól aýdanynda jeldiń jyldamdyǵy 24-29 m/s-qa jetedi. Jambyl oblysynyń keı jerlerinde tuman túsip, kúndiz keı jerlerde kóktaıǵaq bolady, jeldiń kúshi 15-20, ekpini 23 m/s-qa artady. Ońtústik Qazaqstan oblysynyń keı jerlerinde tuman túsedi, tańerteń jáne kúndiz jeldiń jyldamdyǵy 15-20 m/s bolady. Qyzylorda, Mańǵystaý, Atyraý oblystarynyń keı jerlerinde tuman, kóktaıǵaq saqtalady. Mańǵystaý oblysynda túnde jel turady, jyldamdyǵy 15-20 m/s. Aqtóbe, Qostanaı oblystarynyń keı jerlerinde jaıaý burqasyn jáne tuman bolady. Qaraǵandy, Soltústik Qazaqstan oblystarynyń keı jerlerinde tuman túsip, Qaraǵandy oblysynda kúndiz jel 15-20 m/s-qa jetedi. Shyǵys Qazaqstan oblysynyń keı jerlerinde jel 17-22 m/s, túnde jáne tańerteń keı jerlerde tuman túsýi yqtımal.