Fýtzaldan Eýropa chempıonatynda Qazaqstan quramasy shırek fınalda Serbııamen kezdesip, 3:1 esebimen basym tústi. Match Lıýblıana qalasynda ótti.
Oıynnyń 6-mınýtynda Serik Jamaqulov alǵashqy goldy salsa, 23-mınýtta Taınan esepti eseleı tústi. Serbııa quramasynyń sapynda jalǵyz dopty Slobodan Raıchevıch 36-mınýtta saldy. Alaıda matchtyń aıaqtalýyna sanaýly sátter qalǵanda Dýglas Jýnıor esepti 3:1-ge jetkizdi.
Endi otandastarymyz jartylaı fınalda Ispanııa-Ýkraına arasynda jeńiske jetken quramamen synǵa túsedi. Eki komanda búgin, ıaǵnı 6-synan 7-sine qaraǵan túni 02:00-de (Astana ýaqyty boıynsha) kezdesedi.
Aıta keteıik, ótken Eýro-2016 dodasyna Qazaqstan quramasy alǵash ret qatysyp, qola júldeger atanǵan.