«Táýelsizdik dáýiri». Jastarǵa serpin beretin týyndy

Is-shara jastar­dy Memleket basshysynyń «Táýel­siz­dik dáýiri» atty kita­bymen ta­nystyrýǵa jáne Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múm­kindikteri» atty halyqqa Jol­daýyn taldaýǵa baǵyttaldy.

QazUAÝ tárbıe jáne áleýmettik jumystar jónindegi prorektory Janar Dáýrenbaeva dóńgelek ústeldi asha otyryp, is-sharanyń ýnıversıtet jastaryn Qazaqstannyń qalyptasý jáne damý kezeń­derimen tolyqqandy tanystyrý maqsatyna negizdelgenin atap ótti.

Elbasy kitaphanasy dırektorynyń orynbasary, tarıh ǵylymdarynyń kandıdaty Botagóz Qaıypova onlaın úlgide Memleket basshysynyń «Táýelsizdik dáýiri» kitabyn kópshilik nazaryna usyndy.

– Nursultan Ábishuly Nazarbaevtyń atalmysh kitaby – tarıhı pýblısıstıka úlgisinde jazylǵan irgeli eńbek. Ol tú­si­nýge jeńil tilde jas, egemen mem­le­ket­tiń 26 jyl ishinde bastan keshir­gen qu­rylý kezeńderin sıpattap, kúrdeli syn sát­terin baıandaıdy. Táýelsizdik tarı­hyn túsindire otyryp, Elbasy meml­e­ket pen qoǵamǵa naqty taldaý jasaı­dy. Betterdi kezek-kezegimen muqııat oqy­ǵan adam elimizde qysqa ýaqyt ishin­­de júz jylǵa tatıtyn ózgerister men re­­for­malardyń oryndalǵanyn túsi­ne­di. Bul jetistikter Prezıdentimiz bas­­­­­taǵan qazaqstandyqtardyń úlken je­­­­ń­i­si. Elbasy tarıhymyzdyń kúrdeli ke­­­­zeń­­derin sıpattaı kele, serpilis úshin Qazaq­stannyń daǵdarysty utymdy paı­dalanǵanyn aıtyp jas urpaqty qa­nat­tandyrady. Elimizdi ǵana emes, kúl­li álem­d­i oılandyrǵan máseleler de bú­gingi serpilis úshin qoldanyldy. «Qazaq ba­ry­synyń» kúshi men erek­she­ligi de osy. Munyń bári Elbasy kita­bynda belg­i­len­gen, – dedi Botagóz Mutta­hı­denqyzy.

Memleket basshysynyń jyl saıynǵy Joldaýynda belgilengen negizgi on min­detti túsindirý maqsatynda «Nur Otan» partııasy Medeý aýdandyq fılıaly tóraǵasynyń birinshi orynbasary Merýert Muqanova, «Jas Otan» Jastar qa­naty Almaty qala­lyq fılıalynyń tó­r­aǵasy Mádı Ahmetov, QazUAÝ «Rýha­nı jańǵyrý» gýma­nı­tarlyq zertteýler ortalyǵynyń jetek­shisi, akademık Hankeldi Ábjanov sóz sóı­ledi. Dóńgelek ústel barysynda professorlar men oqytýshylar, belsendi stýdentter, magıstranttar men doktoranttar qatysty.

Sharany qorytyndylaǵan Janar Dáýrenbaeva jastar úshin memlekettiń damý tarıhy mańyzdy ekenin alǵa tart­ty. Osy tusta Elbasynyń eńbegi mem­le­ket­tiliktiń qalyptasýynda jaýapty ról at­qaryp, Qazaqstan kadrlaryn daıyndaý júıe­siniń baǵdarlamasynan oryn tabaty­ny aıtyldy.

Dóńgelek ústel qatysýshylary Prezı­dent­­tiń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» atty Qazaqstan halqyna Joldaýyn búgingi álemde ómir súrýge qajetti jol-baǵdarǵa teńedi.

«Egemen-aqparat»