Býrabaıdaǵy zaýyttyń bıootyny kómirden kem túspeıdi

Aǵash qaldyqtary demekshi, jaqynda bir ýkraınalyq ónertapqysh aǵash jańqasyn jaǵý arqyly jeńil avtokólik qozǵaltqyshyn iske qosatyn qurylǵy oılap tapqany jó­nin­de bir qyzyqty aqparatty es­tidik. Bir salǵannan elý sha­qyrymdy eń­seretin álgi av­to­­kólik ıesine tań­daı qaq­qa­ny­myz da ras. Sóıtsek, óner­tap­qyshtar ózimiz­de de jetip artylady eken.

Aǵash untaǵyn óndiristik kólemde óndirip kele jatqan «Orman aımaǵy» JShS elimiz­de­gi ekologııalyq taza otyn ón­diretin birden-bir kásip­oryn. Mundaı alǵashqy zaýyt Petropavl qalasynda iske qosylypty. Al Býrabaı aýdanyndaǵy zaýyt tek 2017 jyl­dyń sońynda ashylǵan. Az ýa­qyt­ta kásiporyn 500 tonnaǵa je­tetin aǵash jańqasyn óndirip úlgeripti. Zaýyttyń jyldyq qýaty 3000 tonna otyn óndirýge jetedi eken.

Kompanııa basshysy Andreı Petrochenkonyń sózine qara­ǵan­da, aǵash qaldyqtaryn otyn retinde paıdalaný Eýropa elde­rin­de, AQSh-ta, Japonııada, Re­seı­de keńinen qoldanylady. Da­­my­ǵan elderde ol ótken ǵasy­r­- dyń orta sheninen bar eken.

– Aǵash jańqasy – qunary joǵary otyn. Onyń paıdaly áser koeffısıenti 95 paıyzǵa je­tedi. Bul rette kómirdiki sha­ma­men 50 paıyz bolsa, gaz ne­bári 30 paıyzǵa para-par. Ol qymbat turatyn dızel otyny­nyń tonnasyn nemese suı­ytylǵan gazdy almas­ty­ra ala­dy, – dep atap ótti A.Pet­ro­chenko.

Qazirgi tańda bir tonna bıootynnyń quny 35 myń teń­geni quraıdy. Kompanııa basshy­synyń aıtýynsha, ol ázir­l­egen otynǵa degen suranys kún saıyn artyp keledi. Eko­lo­gııa­lyq taza ónimniń elimizdiń bas­qa aımaqtaryna ǵana emes, sonymen birge Qytaı naryǵyna kóptep shyǵarylýy sózimizge naqty dálel bolsa kerek. Onyń ústine balamaly otyn óndirý jobasyn júzege asyrý quryl­taı­shynyń óz qarjysy esebinen júr­gizilýde. Ol zaýyt salyp, ju­my­syn júrgizýge 120 mıllıon teńge jumsapty.

Elbasynyń bıylǵy «Tórtin­shi ónerkásiptik revolıý­sııa jaǵ­daıyndaǵy damýdyń ja­ńa múm­kindikteri» atty halyq­qa arnaǵan Joldaýynda HHI ǵas­yr- d­a álemniń tabıǵı resýrs­tar­ǵa degen muqtajdyǵy jalǵasýda eken­digi aıtylǵan. Osy turǵydan alǵanda «Orman aımaǵy» JShS sııaqty kásiporyndarǵa mem­leket tarapynan qoldaý kór­se­tilip, ǵylymı ınstıtýttarmen tyǵyz baılanystar ornatý – ýaqyt talaby. Memleket pen jekemenshik seriktestigin art­ty­­rý arqyly elimiz eko­no­­mı­ka­syn aıtarlyqtaı alǵa jyl­jy­tý­ǵa bolatynyn ýaqyt­tyń ózi dáleldep otyr.

Asqar TURAPBAIULY, «Egemen Qazaqstan»

Aqmola oblysy