Ishki ister mınıstrligi Kınologııalyq ortalyǵynyń bazasynda amerıkalyq nusqaýshylardyń qatysýymen kınologtardyń jumys qaǵıdatymen tanysý boıynsha oqý kýrstary bastaldy. Bul kýrstar kınologııalyq bólinisterge qyzmetke ornalasqan jas qyzmetkerlerdi qyzmettik-izdestirý ıtterimen esirtkilerdi izdeýge daıyndaýǵa baǵyttalǵan.
Oqý kýrsynyń ashylýynda halyqaralyq esirtkige qarsy kúres jattyqtyrýshysy Krıstofer Kent osy is-shara AQSh-tyń Qazaqstandaǵy elshiliginiń Áskerı yntymaqtastyq bólimi basshylyǵymen resmı kezdesýler barysynda uıymdastyrylǵanyn, AQSh Qorǵanys mınıstrliginiń Esirtkige qarsy kúres baǵdarlamasy sheńberinde uıymdastyrý týraly ýaǵdalastyqqa qol jetkizilgenin atap ótti.
Kýrs aıaqtalǵannan keıin kınologııalyq bólinis qyzmetkerlerine biliktilik arttyrý kýrstaryn aıaqtaǵany týraly sertıfıkat beriledi.