Nurly Nura

«Egemen Qazaqstannyń» arnaıy jobasy: Jasampazdyq jemisteri Jıyrma jyldyń ishinde atqarylǵan ıgi isterdiń arqasynda árbir óńirimiz ózgerip, ómirimiz jaqsaryp keledi. «Egemen Qazaqstan» gazeti osyndaı órkendi ózgeristerdi beıneleıtin materıaldardy turaqty jarııalap turady. Tómende Qaraǵandy oblysy Nura aýdanynan fotoreportaj berilip otyr.

NURLY NURA

Astanamen irgeles bul aýdan aımaqtaǵy ǵana emes, elimizdegi eń astyqty aýdandardyń biri retinde belgili. Kúzde munda 246 myń tonnaǵa jý­yq altyn dán jınalyp, buryn-sondy bolyp kór­megen rekordtyq tabysqa qol jetkizildi. Osy salanyń kóshbasshylary, árqaısysy jylyna 30 myń gektar alqapqa egin egetin «Shahter», «Qaınar», «Prjeval» JShS 2 mıllıon puttan astam yryzdyq kózin qambaǵa quıdy. О́tpeli kezeń qıyndyqtaryna baılanysty qys­qarǵan egistik kólemi sońǵy jyldarda qaıta ulǵaıdy. Bıylǵy kóktemde 200,4 myń gektar jerge tuqym sebilip, berekeli ónim shyǵym­dy­ly­ǵy joǵaryda atalǵandaı nátıjege jetti. Agro­tehnıkalyq tásilderdi keńinen engizý, jańa tehnologııa men tehnıkany tıimdi qoldaný astyq óndirisin damytýǵa qolaıly múmkindikter tý­ǵy­zyp keledi. Tuqym sebý, oraq naýqandary sheteldik tehnıka kúshimen qysqa merzimde atqary­lady. «Shahter» JShS eginjaı tóskeıinde 20 myń tonna astyq saqtaıtyn qoıma salyp aldy. Aýdan ekonomıkasynda mal sharýashylyǵynyń da úlesi salmaqty. Sońǵy 10 jylda mal ónim­de­rin óndirýdiń jalpy kólemi 4,6 esege ósip, aqshaǵa shaqqanda byltyr 6,1 mlrd. teńgeni qurdy. Osy kezeńde iri qara sany – 24,7, qoı men eshki – 121 ,9, qus 27,5 paıyzǵa ulǵaıdy. Bul rette asyl tu­qym­dy «Qarǵaly» qoıyn ósirýdi órbitken «Ot­qan­jar» JShS qadamy qaryshty. Seriktestik aldaǵy jyly jylqy túligin ulǵaıtý jobasyn iske asyrýdy bastaǵaly otyr. Aýdan boıynsha osy ýaqytqa deıin 20 ınvestısııalyq joba iske asyryldy. Táýelsizdiktiń 20 jyldyq mereıli merekesi qurmetine arnalǵan is-sharalar shýaǵyn búginde aýdannyń barlyq eldi mekenderiniń kórkeıgen beınesi men turǵyndardyń jaqsara túsken tynys-tirshilikteri aıǵaqtaıdy. Kóptegen nuralyqtar jańa ári turmysqa qolaıly úılerge qonys­tan­dy. Jyl basynan beri 4200 sharshy metr turǵyn úı paıdalaýǵa berilse, elimizdiń torqaly toıy atalar kún aldynda aýdan ortalyǵynda birneshe jas otbasy jeke otaýǵa ıe bolady. Bıyl birqatar eldi mekenderge taza sý jetkizilip, osy másele tolyq sheshiletin kún alys emes. Bul kúnde Tassýat, Kóbeteı, Zarechnyı aýyldary aýyz sý mashaqatynan birjola aryl­dy. Kelesi kezek Kertińdi, Barshyn, Kárim Myń­baev atyndaǵy aýyldaryna kelgeli tur. Merekeli jyldyń úlken bir syıy Kıevka –Astana jáne Nura ózeni boıyndaǵy Kıevka – Qaraǵandy baǵytyndaǵy respýblıkalyq mańyzy bar kúre joldardyń aınadaı jarqyraǵan qalypqa aınalýy boldy. Jaraspaı aýylyna da jańa jol tóselip, osy jaq jolaýshylarynyń júrip-turýy jeńildedi. О́ńirdegi óreli ózgerister qaı jerinen de aıqyn ańǵarylady. Máselen, alystaǵy Izendi aýy­lynyń búgingi kórkin budan on jylǵy keskin-keıpimen esh salystyrýǵa bolmaıdy. Aýdandaǵy, qala berdi, aımaqtaǵy eń ásem, turmys máde­nıe­ti joǵary aýylǵa aınalǵan mundaǵy sport kesheni, mádenıet úıi, meshit, mektep, ınternat, toıhana, qymyzhana, naýbaıhana, poshta men baıla­nys bólimshesi sándi ǵımarattary, balalar oı­naı­­tyn alańqaı kóz tartady. Bulardyń birazy jergilikti turǵyndardyń eńbek ortasy – «Ot­qan­­jar» JShS kómek-demeýimen salynǵan. «Shah­­ter», «Sherbakov» selolary da óskeleń ómir ta­lap-talǵamdaryna saı barlyq jaǵdaı jasalǵan kórikti mekender. Al aýdan ortalyǵy – Kıevka ajary osy jaz odan saıyn ashyla tústi. Jańadan salynǵan ba­la­baqsha, ólketaný murajaıy, kitaphana, jón­de­lip, qulpyrǵan mádenıet úıi ishki de, syrtqy da jaınaǵan beınesimen baýraıdy. Osyndaǵy ortalyq kóshelerdiń birine gúl egilip, jasyl jelekter otyrǵyzylyp, sýburqaqtar ornatylyp, úlken-kishi súısine demalatyn, seıildeıtin orynǵa aınaldyryldy. Ekonomıkanyń barlyq salasynyń, shaǵyn já­ne orta bıznestiń damýy, aýdandyq bıýdjettiń jyldan-jylǵa molyǵa túsýi nuralyqtar ómirin nurlandyrýda. Qaraǵandy oblysy. _________________ Daıyndaǵan «Egemen Qazaqstan» gazeti­niń Qaraǵandy oblysyndaǵy menshikti tilshisi Aıqyn NESIPBAI.