Tanymal qazaqstandyq kásibı boksshy, WBA nusqasy boıynsha burynǵy álem chempıony Janat Jaqııanov sporttaǵy karerasyn aıaqtaý jóninde sheshim qabyldady , dep habarlaıdy Sports.kz.
«Men kareramdy aıaqtaımyn dep sheshim qabyldadym. Oǵan negiz bolǵan sebepter az emes. Men 3-4 aı boıy oılanyp, búgin mine, tıisti sheshim qabyldadym. Osy ýaqytqa deıin meni qoldap kelgen azamattardyń barlyǵyna alǵasymdy bildirgim keledi. Birinshi kezekte men jankúıerlerime alǵys aıtamyn. Sondaı-aq baqılyq bolǵan bapkerim, Aleksandr Nıkolaevıch Lebedevke alǵym sheksiz. Bapkerlerim Rıkkı Hatton, Maık Djekson, Vıktor Ivanovqa basymdy ıemin. Menedjerlerim Fılıpp Fondıý men Erik Jaılaýovqa rahmet. Bulardyń barlyǵy da maǵan barlyq jaǵynan qoldaý kórsetken azamattar. Men úlken joldan óttim, endi sony aıaqtaıtyn ýaqyt ta jetken sııaqty»,-dep málimdedi Janat Jaqııanov.