Ishki ister mınıstrligi men Investısııalar jáne damý mınıstrligimen birlesip ótkizgen «Avtobýs» jedel aldyn alý is-sharasynyń qorytyndysyn shyǵardy. Bul týraly QR Ishki ister mınıstrliginiń baspasóz qyzmeti habaraldy.
«Jolaýshylar tasymaldaý kóligi elimizdiń biryńǵaı kólik júıesiniń negizgi bóligi jáne avtomobıl kóligimen jolaýshylardy tasymaldaý qaýipsizdigin saqtaý ózekti máselelerdiń biri bolyp tabylady. Al Qazaqstanda jyl saıyn avtobýs júrgizýshileriniń kinásinen 500-den astam jol-kólik oqıǵasy jasalady, nátıjesinde shamamen 60 adam qaıtys bolyp, 800-den astam adam jaraqattanady» - deıdi Ishki ister mınıstriniń orynbasary Erlan Týrgýmbaev.
Onyń sózinshe, jolaýshylar kólikteriniń apatyna jasalǵan taldaý kórsetkendeı, qalyptasqan jaǵdaıdyń negizgi sebebi jolda júrý tártibin saqtamaý, laýazymdyq tulǵalar men jolaýshylar kóligin jolǵa shyǵarýǵa jaýapty tulǵalardyń tarapynan baqylaýdyń bolmaýymen baılanysty. Osyndaı zańbuzýshylyqtar úshin 5,7 mln. teńgeden astam qarjyǵa aıyppul salynyp, avtobýs parkiniń 190 laýazymdy tulǵasy jaýapqa tartyldy.
Polısııa qyzmetkerleri jedel aldyn alý sharalaryn ótkizý barysynda oǵamdyq kólik júrgizýshileri tarapynan jasalǵan jasaǵan 19 myń quqyqbuzýshylyqty anyqtap, tıisti shara qoldandy. Atap aıtqanda, eńbek pen demalys rejımin buzýdyń 166 jaǵdaıy, tıisti kýáliksiz kólik júrgizýdiń 245 faktisi, tasymaldaýshynyń jolaýshylar aldyndaǵy mindetterdi oryndamaýdyń 594 jaǵdaıy tirkeldi. Sondaı-aq jyldamdyqty asyrý (1 135 fakti), kólik quralyn júrgizý barysynda uıaly telefondy paıdalaný (3,5 myńnan astam fakti), jolaýshylardy zańsyz tasymaldaý (195 fakti) jaǵdaılary anyqtaldy. «Jolaýshylarǵa ǵana emes, ózderine de jaýapty avtobýs júrgizýshileriniń kólik quralyn mas kúıinde júrgizýiniń 14 faktisi anyqtaldy. Sonymen qatar, esirtkige elitken kúıde avtobýs júrgizgen júrgizýshilerdiń ustalǵan kezi de boldy»- dedi mınıstrdiń orynbasary.
Sondaı-aq ol naqty málimetterdi de keltire ketti. Tekserilgen árbir altynshy kólik quralynda tehnıkalyq aqaýy bar bola tura, olardyń jartysynan kóbinde reısaldy baqylaýdan ótkeni týraly belgisi bolǵan. Jolaýshylar kóligin ruqsatsyz 312 qaıta jabdyqtaý faktileri de kezdesti. Sonymen qatar, jedel-aldyn alý sharasy barysynda reıs aldyndaǵy tekserýden ótpegen 65 avtobýs anyqtalyp, tehnıkalyq qaraýdan ótpegen avtobýsty júrgizýdiń 780 faktisi belgili boldy.
Aıqyndalǵan zańbuzýshylyqtar, júıeli emes tasymaldaýdy uıymdastyrýdyń biryńǵaı talaptarynyń bolmaýyn jáne avtokólik quralyn reıs aldynda tekserýden nemquraıly ótkiziletinin kórsetedi. «Avtobýs» operasııasynyń nátıjeleri boıynsha qaýipsizdikti jáne jolaýshylardy avtomobıldik kólikpen tasymaldaý jaǵdaıyn jaqsartý jóninde usynystar jasaldy, olar kólik jáne kommýnıkasııalar salasynda ýákiletti organ retinde IDM-ǵa odan ári qaraı jetildirý úshin joldanatyn bolady.