Astana qalasynda Qoǵamdyq baqylaý kartasynyń jobasy tanystyryldy. Bul bastamany aǵymdaǵy jyldyń qańtar aıynyń sońynda Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev jarııalaǵan.
Jobanyń tusaýkeserine Arnaıy monıtorıngteý tobynyń músheleri Aıgúl Soloveva, Ǵalym Baıtoq, Talǵat Nárikbaev jáne agenttiktiń Sybaılas jemqorlyqqa qarsy saıasat departamentiniń dırektory Salaýat Múksimov qatysty.
Agenttik ókiliniń aıtýynsha, bıýdjet qarajatyn bólý jáne damytý boıynsha memlekettik organdar ornalastyratyn aqparat tizbesin keńeıtýge sharalar qabyldanýda. Sonymen qatar derekter azamattar úshin eń qoljetimdi jáne túsinikti túrde usynylǵan. «Qamqor» qosymshasy arqasynda habarlamalar avtomatty túrde ýákiletti organǵa jiberiledi.
Qurylystyń barysyn baqylap otyrý jáne azamattardan habarlardy qabyldaý múmkindigi úshin Arnaıy monıtorıng tobynyń jelisi aıtarlyqtaı keńeıgen. Osylaısha, jaqynda qalalyq jáne aýdandyq deńgeılerde monıtorıng toptarynyń jelisi quryldy. Aýdandar men aýyldyq okrýgterdiń turǵyndary áleýmettik nysandardyń, avtomobıl joldarynyń jáne basqa da tikeleı aımaqtyq toptar arqyly qurylys jumystarynyń barysyn baqylaı alady. Bul ózara qarym-qatynas shemasy bıýdjetten bólingen árbir tıynǵa qoǵamdyq baqylaýdy qamtamasyz etýge múmkindik beredi. Sondaı-aq agenttiktiń qyzmetkerleri qoldanystaǵy zańnamaǵa sáıkes rastalǵan sybaılas jemqorlyq faktileri týraly habarlaǵan azamattar 30-dan 100 AEK somasynda yntalandyrylatynyn eske saldy.
Arnaıy monıtorıngteý tobynyń múshesi – Qazaq memlekettik zań ýnıversıtetiniń rektory Talǵat Nárikbaev ýnıversıtet pen agenttik birlesip azamattarǵa avtomatty túrde memlekettik organdarmen ózara is-qımyl máseleleri boıynsha tegin keńes beretin arnaıy «IýrSovetnık» telegramm-bot baǵdarlamasy ázirlengenin jetkizdi.