Qazaqstan sýretshiler odaǵynyń múshesi, Əlem halyqtar óneri qaýymdastyǵyna eńbek sińirgen sýretshi Muhtar Bekenovtiń "ART QUEST" jeke sýret kórmesi ashyldy.
M.Əýezov atyndaǵy Ońtústik Qazaqstan memlekettik ýnıversıtetiniń №8 oqý ǵımaratynda shymyldyǵy túrilgen shyǵarmashylyq týyndylar toptamasy kórmesiniń ashylýyna OQO Mədenıet jəne tilderdi damytý bólimi, oblystyq Mədenıet jəne halyq shyǵarmashylyǵy ortalyǵynyń basshylary men qyzmetkerleri, respýblıkalyq, halyqaralyq sýret, keskindeme salasynda tanymal qylqalam ıeleri jəne atalǵan oqý ornynyń ustazdary men stýdentteri, jas sýretshiler qatysty.
Kórmege qoıylǵan 100-den týyndy ǵumyr tarıhyn ishki oı, asqaq arman-qııaldyń ərbir sətin maıly boıaý tilimen sýrettep, óz ıirimine eriksiz tartqan daryndy sýretshi boıyndaǵy elge, jerge, óńirimizdegi kıeli, tarıhı mekenderge qurmet pen mahabbat, ərbir jyl mezgilindegi qubylystarǵa shynaıy súıispenshilik, kózge kórinbes nəziktikti júrekpen uǵynyp shyǵarmashylyq tilimen beınelegen aıryqsha qasıetimen baýraıdy. Ásirese, "Qoja Ahmet Iаsaýı kesenesi" , "Moıynqum", "Bekseıit Túlkıev", "Qasqasý ózeni", "Jazǵy jańbyr" atty týyndylar kópshilikke erekshe əser syılap, sýretpen pen sýretshi arasyndaǵy syrlas baılanystar birden ańǵarylady.
Daryndy qylqalam ıesi bala kezden sýret ónerine əýestenip, óz qabiletin shyńdaı kele óz bıigin baǵyndyrǵan ustaz sýretshige aınaldy. Muhtar Bekenovtiń jeke sýret kórmesi "Jeti Asar" ataýymen buǵan deıin Shymkent qalasynda úsh ret uıymdastyrylǵan. Sonymen qatar, Qazaqstan, Reseı, Germanııa, Qytaı elderinde de tól týyndylary ornalastyrylǵan. Aldaǵy ýaqytta, "ART QUEST" kórmesin Astana jəne Almaty qalalarynda ótkizý josparlanýda.
Sharany oblystyq Mədenıet jəne tilderdi damytý basqarmasy basshysynyń mindetin atqarýshy Asylhan Temirhan quttyqtaý sózben ashyp berip, zamandas, əriptesteri jyly lebizderimen bólisti.