Reseıdiń Tergeý komıteti Kemerov qalasyndaǵy saýda ortalyǵynda bolǵan órtten 37 adamnyń qaza tapqanyn rastady, dep habarlaıdy RIA Novostı.
«Qazirge deıin Kemerov qalasynyń ortalyǵyndaǵy saýda ortalyǵynda shyqqan órtten 37 adamnyń qaza tapqany belgili boldy. Úıindiler astynan adamdardy izdestirý jumystary jalǵasyp jatyr», delingen habarlamada.
Osyǵan deıin óńirdegi jedel áreket etý qyzmetindegi derekkóz málimetinde 69 adamnyń (onyń ishinde 40 bala) iz-tússiz joǵalyp ketkeni aıtylǵan edi. Zardap shekkenderdiń kóbi aýrýhanada jatyr.
Keshe kúndiz tórt qabatty saýda ortalyǵynda órt shyqqany týraly habar túsken. О́rt joǵarǵy qabattan bolyp, myń jarym sharshy metr aýmaqty sharpyǵan. Shatyry opyrylǵan. О́rt tolyǵymen sóndirildi. Mash Telegram-arnasy órttiń kınoteatrda shyqqany týraly habarlady. 100-den asa adam evakýasııalandy. Esi shyqqan adamdar joǵarǵy qabattaǵy terezelerden sekirip jatqany jaıly da aqparat taraýda.