О́rtke qarsy qaýipsizdik salasyndaǵy buzýshylyqtyń aldyn alý maqsatynda Bas prokýratýra órtke qarsy qyzmet organdaryna barlyq respýblıka boıynsha saýda nysandaryn jospardan tys tekserýdi uıymdastyrýdy tapsyrdy. Bul týraly Bas prokýratýranyń baspasóz qyzmeti habarlady.
Eki aı ishinde 1,5 myń sharshy metr jáne odan da úlken qurylys aýdany bar 1151 nysandy qamtý josparlanǵan.
Saýda nysandarynan basqa, prokýratýranyń talaby boıynsha mektepke deıingi tárbıe men oqýdy júzege asyratyn jeke mekemeler, sondaı-aq jalpy bilim beretin oqý oryndary tekseriledi.
Atalǵan is-sharalardyń maqsaty – órtke qarsy qaýipsizdik talaptaryn óreskel buzyp otyrǵan nysandardyń qyzmet jolyn kesý, osyndaı is-áreketterge yqpal etetin sebepterdi joıý.
О́rtke qarsy qyzmet organdary osy jyldyń birinshi jartyjyldyǵyna josparlanǵan saýda ortalyqtaryn ǵana teksere alady.
Ýákiletti memlekettik organdarǵa adamnyń ómiri men densaýlyǵyna zııan keltirý qaýpi bolǵan kezde jospardan tys tekseris júrgizýdi tapsyrý quqyǵy prokýratýra organdaryna tıesili.