Aqmola oblysynda daýlar men janjaldardy retteý boıynsha turǵyndarǵa keshendi qyzmet kórsetetin tatýlastyrý ortalyǵy ashylady, dep habarlaıdy oblystyq sottyń baspasóz qyzmeti.
Aqmola oblystyq sotynyń tóraǵasy Dosjan Ámirov pen oblystyq kásipodaqtar ortalyǵynyń tóraǵasy Qalı Rahmetov arasynda ózara áriptestik jónindegi memorandýmǵa qol qoıyldy.
Sharaǵa kásipodaqtar ortalyǵy tóraǵasynyń orynbasary Ləzzat Esjanova, aýyl sharýashylyǵy qyzmetkerleriniń oblystyq kásipodaq tóraǵasy Tilepbergen Əıkenov, bilim qyzmetkerleriniń oblystyq kásipodaǵynyń tóraǵasy Beısenbaı Əbdrahmanov, memlekettik mekemeler qyzmetkerleriniń kásipodaq tóraǵasy Boranbaı Begalın, temirjolshylar oblystyq kásipodaǵynyń tóraǵasy Sapar Jəkeev, Aqmola oblystyq sotynyń sot alqalarynyń tóraǵalary Erlan Janádilov pen Radjab Damınov jáne oblystyq sottyń sýdıalary qatysty.
Aqmola oblystyq sotynyń tóraǵasy Dosjan Əmirovtyń aıtýynsha, oblys sottarymen 2016 jyly medıasııa tártibimen daýdyń 3,3 paıyzy, al 2017 jyly - 7,4 paıyzy, 2018 jyldyń eki aıynda 12,1 paıyzy qaraldy.
«Daýdy medıasııa tártibimen retteý týraly kelisim jasaýdyń taraptarǵa tıimdiligi, olardyń talap-aryz berý kezinde memlekettik bıýdjetke tólegen memlekettik baj somalary qaıtarylady. Mysaly, 2016 jyly - 19 002 996 teńge, 2017 jyly - 94 102 392 tenge, al 2018 jyldyń eki aıynda - 5 797 493 teńge memlekettik baj talap qoıýshyǵa qaıtaryldy» - dedi tóraǵa.
Sonymen qatar, Dosjan Ámirov medıasııa ınstıtýtyn odan ári damytý maqsatynda eńbek daýlary men janjaldardy sheshý máselelerinde, medıatorlardy oqytý jáne tatýlastyrý rásimderiniń tıimdiligi men ony nasıhattaýda sottar men kásipodaq uıymdarynyń birlesken jumys atqarýlary qajettiligin atap ótti.