Mańǵystaý oblysy boıynsha tótenshe jaǵdaılar departamentinde memleketti kqyzmettegi ádeptilik deńgeıin kóterýge aranlǵan keshendi jospardan týyndaıtyn sharalardy oryndaý maqsatynda semınar-keńes ótkizildi. Is-sharaǵa tótenshe jaǵdaılar departamentiniń jeke quramy, «Nur Otan» partııasynyń oblystyq fılıalynyń ókili men oblys ákimdiginiń ádep jónindegi ýákili qatysty.
Semınar-keńeste QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń memlekettik qyzmet salasyn baqylaý basqarmasynyń basshysy N.Doldashev memlekettik qyzmetshileriniń Ádep kodeksiniń talaptaryn saqtaý, qyzmetshilerdiń qyzmettik ádep normalarynyń talaptaryn buzýshylyǵynyń aldyn alý baǵytynda Ádep jónindegi ýákildiń profılaktıkalyq jumystardy jandandyrýy jáne onyń qyzmetin derbes negizge kóshirý týraly aıtyp ótti.
Sondaı-aq, «Memlekettik qyzmetshiniń ádebi jáne minez-qulyq normalary» nusqaýlyǵyndaǵy (Pocketbook) jaǵdaıattyq mysaldar negizinde memlekettik qyzmetshilerdiń jumys ýaqytynda jáne jumystan tys ýaqyttaǵy minez-qulyq qaǵıdalary men olardyń parasattylyq mádenıetin qalyptastyrýdyń negizgi aspektilerine de toqtalyp, memlekettik qyzmetshiler arasynda jaqyn týystardyń birlesken qyzmetti atqarýy jáne taǵy da basqa máselelerden týyndaıtyn múddeler qaqtyǵysyn bolǵyzbaý qajettigi aıtyldy.
О́z kezeginde aýmaqtyq departamenttiń sybaılas jemqorlyq profılaktıkasy basqarmasynyń bas mamany E.Jumabaı zamanaýı sybaılas jemqorlyqqa qarsy zańnama talaptaryn túsindirip, bıyl Agenttiktiń bastamasymen júzege asyrylyp jatqan jańa jobalarmen tanystyrdy.
Is-shara sońynda sybaılas jemqorlyqqa qarsy sıpattaǵy beınerolık kórsetilip, saýalnama júrgizilip, aqparattyq paraqshalar taratyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy