Jaqyn kúnderi Astanada Qazaqstan halqy Assambleıasynyń HHVI sessııasy ótedi. Keleli jıynda «Bes áleýmettik bastama – qoǵamnyń áleýmettik birliginiń tuǵyry» taqyrybyn qamtıtyn bolady dep habarlaıdy «Egemen.Kz» tilshisi.
Bul týraly Parlament Májilisi tóraǵasynyń orynbasary Vladımır Bojko bastaǵan depýtattardyń aımaqtyń QHA ókilderimen, ardagerlermen, ǵalymdarmen ótken basqosýynda aıtyldy.
Basqosýda «Qazaqstan, orys, slavıan, kazak uıymdary assosıasııasy» zańdy tulǵalar uıymynyń tóraǵasy Vladımır Bojko:
– Biz «Qazaqstan halqy Assambleıasy týraly» qoldanystaǵy zańǵa tolyqtyrýlar men ózgerister engizý máselesin qarap, sheshim qabyldadyq. Onda Assambleıanyń mindeti, qurylymy, qoǵamdaǵy mańyzy, etnomádenı birlestikterdiń bilim jetildirýin, tirkelýin retteıtin máseleler qamtylǵan. Búginde birlestikterdiń barlyǵy Qazaqstan halqy Assambleıasynyń aldynda turǵan mindetterdi oryndaýǵa jumyla kirispegeni baıqalyp otyr. Ult birligi men yntymaǵyn bekite túsý úshin etnomádenı birlestikter óz jumysyn jandandyra túsýi qajet, – dedi.
Buǵan deıin Parlament minberinde assambleıanyń rólin, qurylymyn, maqsat-mindetin aıqyndaıtyn másele qaralǵan bolatyn. «Qazaqstan halqy Assambleıasy týraly» zańǵa ózgerister men tolyqtyrýlar engizý týraly usynys búginde Senattyń qaraýyna jiberilgen. Onda depýtattar barlyq etnomádenı birlestikterdiń tirkeýden ótýin jolǵa qoıýǵa mán berip otyr.
Baqtııar TAIJAN,
«Egemen Qazaqstan»
Qyzylorda oblysy