Parlament Senaty Konstıtýsııalyq zańnama, sot júıesi jáne quqyq qorǵaý organdary komıteti músheleriniń Qaraǵandy oblysyna sapary odan ári jalǵasýda.
Senatorlar Rysqalı Ábdikerov pen Marat Taǵymov Shet aýdanyndaǵy Aqjal aýylynda «Shuǵyla» mádenıet úıinde aýyl aktıvimen jáne turǵyndarymen kezdesti.
Júzdesýde Memleket basshysy nyń áleýmettik saıasatynyń negizgi baǵyttary týraly ashyq áńgime boldy. Parlament depýtattary halyq ómiriniń deńgeıin kóterýge jáne aýyl sharýashylyǵyn damytýǵa baǵyttalǵan usynystardyń mańyzdylyǵyn atap ótti. Aýyl eńbekkerlerin, shaǵyn jáne orta bıznes ókilderin memlekettik qoldaýdyń tıimdi tetikteri jáne jańa nesıe saıasatyn paıdalaný máseleleri egjeı-tegjeıli talqylandy.
Senatorlar Rysqalı Ábdikerov pen Marat Taǵymovtyń «Nova-Sınk» jaýapkershiligi shekteýli seriktestiginiń eńbek ujymymen kezdesýinde Memleket basshysy N.Nazarbaevtyń bes áleýmettik bastamasy jan-jaqty túsindirildi. Prezıdenttiń usynystary kásiporyn jumysshylary tarapynan qyzý qoldaý taýyp otyr. Sondaı-aq óndiris qýatyn jańǵyrtý jáne jańa tehnologııalardy qoldaný máseleleri de talqylandy.
Senator Rashıd Túsipbekov Qaraǵandy oblystyq prokýratýrasynyń basshylyǵymen jáne qyzmetkerlerimen kezdesti. Depýtat shara barysynda «Prezıdenttiń bastamalary elimizdegi áleýmettik-ekonomıkalyq, saıası jáne ıdeologııalyq jańarýlardyń zańdy jalǵasy ekeni aqıqat. 2017 jylǵy konstıtýsııalyq reforma onyń negizin quraǵan bolatyn, Memleket basshysynyń Joldaýy negizgi baǵyttardy belgiledi, al bes bastama bet alǵan baǵytty iske asyrýdaǵy naqty sharalar bolyp tabylady. Prezıdenttiń bes bastamasy bizdiń qoǵamymyzdyń áleýmettik birligin nyǵaıta túsýge arnalyp otyr», - dedi.
Senator R. Túsipbekovtiń sózinde Prezıdent bastamalaryn iske asyrýdy qamtamasyz etýdegi prokýratýra organdarynyń róline aıryqsha nazar aýdaryldy. «Elbasynyń barsha qazaqstandyqtar úshin asa mańyzdy tapsyrmalaryn prokýratýra organdary múltiksiz oryndalýyn qamtamasyz etýge mindetti», dedi ol.
Depýtattar Sáýle Aıtpaeva men Dýlat Qusdáýletov oblystyq ádilet departamentinde boldy. Mekemeniń basshylyǵymen jáne qyzmetkerlerimen áńgime barysynda sot sheshimderiniń oryndaý jónindegi quqyq qorǵaý organdarynyń ózara is-qımyly, sondaı-aq zańnamalyq aktilerdi jergilikti deńgeıde iske asyrý máseleleri talqylandy.
Senat depýtaty Vladımır Volkov sol kúni Olmıpıada rezerviniń balalar jáne jasóspirimder uıymynyń jeńil atletıka manejinde jattyqtyrýshylarmen jáne sportshylarymen kezdesti.