Turlyhanov týrnıri aıaqtaldy

Bıyl Dáýlet Turlyhanovtyń júldesi úshin ótken jarystyń jalaýy 19-shy márte jelbiredi. Talaı daryndy jastyń úlken arenaǵa shyǵýyna alǵashqy baspaldaq bolǵan týrnırge bul joly 29 komanda qatysty. Aıtýly doda osy jyly ótetin álem jáne Azııa birinshilikterine irikteý syny retinde qarastyrylǵandyqtan, jasóspirimder arasyndaǵy jarystarda jasyndaı jarqyrap júrgen balǵyn balýandardyń barlyǵy Almatyǵa asyǵyp jetti. Jalpykomandalyq esepte birinshi oryndy Qajymuqan Muńaıtpasov atyndaǵy sport­taǵy daryndy balalarǵa arnal­ǵan respýblıkalyq mektep-ınter­nattyń túlekteri oljalady. Ekinshi oryndy Ońtústik Qazaq­stan oblysynyń sportshylary ıelense, úzdik úshtikti Soltústik Qazaqstan oblysynyń quramasy qorytyndylady. 

Al jekelegen salmaq dáre­jeleri boıynsha myna balýandar jeńis tuǵyrynyń eń bıik saty­syna kóterildi: 45 kg – Era­syl Mamyrbekov (ShQO), 48 kg – Dáýlet Áshirxanov (Respýb­lıkalyq sport kolledj), 51 kg –Dıas Áskerbaı (ShQO), 55 kg – Dinmuhamed Qoshqar (Q.Mu­ńaıt­pasov atyndaǵy mektep-ınternat), 60 kg – Madııar Máýlithanov (Almaty oblysy), 65 kg – Áb­di­ázim Qarabaev (OQO), 71 kg – Veı­sal Eıýbov (Qostanaı), 80 kg – Er­zat Erlanov (Q.Muńaıtpasov atyn­daǵy mektep-ınternat), 92 kg – Dáý­ren Amanǵalıev (Qostanaı) jáne 110 kg – Radıon Isqojın (SQO). 

Búgingi tańda Qazaq eli namy­syn halyqaralyq arenada qor­ǵap júrgen balýandarynyń barlyǵy da kezinde osy týrnırde shyńdalǵan. Sol sebepti de osyn­daı jarystardyń jıi ótýi óske­leń urpaq úshin asa qajet. Bıyl­ǵy dodanyń da deńgeıi asa joǵary bolǵanyna anyq kózim jetip otyr. Respýblıkamyzdyń ár qıy­rynan jınalǵan 250 jas óren boz kilemde baryn saldy. Biz­diń jas balýandar álem jáne Azııa birinshilikterinde de óz jan­kúıerlerin jerge qarat­paı­tynyna senimdimin, deıdi osy týrnırdi basynan aıaǵyna deıin tapjylmaı tamashalaǵan Máskeý Olımpıadasynyń je­ńim­pazy Jaqsylyq Úshkem­pirov. 

Jaqsylyq aǵamyzdan bólek, Iýrıı Melnıchenko, Baqtııar Baı­seıitov, Rýslan Jumabekov, Nur­baqyt Teńizbaev, Ermek Kóke­tov syndy elimizdiń ataqty balýan­dary da jarystyń basy-qasyn­da júrdi. Shetelden kelgen qonaq­tar­dyń da qatary mol boldy. So­lar­dyń arasy­nan Olımpıada chempıon­dary – koreıalyq Kım En Nam men belo­rýssııalyq Kaman­dar Mad­jıdov jáne Olımpııa oıyn­dary­nyń qola júldegeri Ser­geı Demesh­kevıchti atap ótýge bolady. 

Ǵalym SÚLEIMEN, «Egemen Qazaqstan»   ALMATY