Investısııalar jáne damý mınıstri Jeńis Qasymbek Lıtvanyń Qazaqstandaǵy Elshisi Vıtaýtas Naýdýjaspen kezdesti, dep habarlaıdy mınıstrliktiń baspasóz qyzmeti.
Kezdesý taraptar ınvestısııalyq yntymaqtastyqty, kóliktik-logıstıkalyq ınfraqurylymdy damytý, tranzıttik tasymaldar men azamattyq avıasııa salasyndaǵy ózara is-qımyl máselelerin talqylandy.
Jeńis Qasymbek sońǵy jyldary eki el arasyndaǵy qatynastardyń damý dınamıkasy óskenin atap ótti. Mysaly, Qazaqstan men Lıtva arasyndaǵy temirjol tranzıttik tasymaly 27,1%-ǵa ósti. Ol sondaı-aq Lıtva kompanııalaryn «Bir beldeý – bir jol» bastamasy aıasynda eki eldiń tranzıttik áleýetin iske asyrýǵa belsendi qatysýǵa shaqyrdy. Bıyl oń dınamıka saqtalýda. Tek qana qańtar aıynyń ózinde tranzıttik tasymal 2 esege ósti. 2018 jyldyń qańtarynda temirjol tranzıtimen tasymaldanǵan taýarlardyń kólemi 15,53 myń tonnany qurady. Bul 2017 jyldyń sáıkes kezeńimen salystyrǵanda 9,67 myń tonnaǵa artyq (5.86 myń tonna).
Elshi Vıtaýtas Naýdýjas saýda-ekonomıkalyq baılanystardy odan ári nyǵaıtýǵa jáne ózara yntymaqtastyq salalaryn keńeıtýge nıetti ekenin atap ótti.
2017 jyly elder arasyndaǵy taýar aınalym 2016 jylmen (324,4 mln.) salystyrǵanda 2 eseden asyp, (122,7%) artyp, 722,3 mln. dollardy qurady. 2016 jylmen salystyrǵanda Qazaqstannyń Lıtvaǵa eksporty (shamamen 240,9 mln. AQSh dollar) 2,5 ese (130%) ósti jáne 554,3 mln. AQSh dollaryn qurady. 2018 jyldyń 27 mamyrynan bastap SCAT qazaqstandyq áýe kompanııasy Astana-Vılnıýs jańa áýe qatynasyn ashýdy josparlap otyr (reıster VS-Boing 737 áýe kemesimen aptasyna 2 ret, beısenbi jáne jeksenbi kúnderi oryndalady).