Bul kúnderi Oman Sultandyǵynyń astanasy Maskat qalasyndaǵy «VOX Shatti Cinema» kınoteatrynda Qazaq kınosy aptalyǵy ótedi. Kınoaptalyq aıasynda sońǵy jyldary jaryqqa shyqqan otandyq rejısserlerdiń tanymal fılmderi kórsetiledi.
Qazaq kınosy aptalyǵynyń ashylý saltanatyna Oman Sultandyǵynyń zııaly qaýymy, iskerlik jáne mádenı uıymdar ókilderi, sonymen qatar dıplomatııalyq korpýstyń ókilderi men Oman Sultandyǵynda turatyn Qazaqstan azamattary qatysady.
Qazaqstan Respýblıkasynyń Oman Sultandyǵyndaǵy Tótenshe jáne ókiletti Elshisi Erjan Muqash atalmysh mádenı shara QR Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» maqalasynda aıtylǵan mindetterdiń biri – «Jahandaǵy zamanaýı qazaqstandyq mádenıet» jobasy aıasynda ótkizilip jatqanyn jáne osyndaı is-sharalar eki el arasyndaǵy ekijaqty yntymaqtastyqty odan ári nyǵaıtýǵa keń múmkindik beretinin aıtty.
Maskatta ótip jatqan Qazaq kınosy aptalyǵy rejısser Aqan Sataevtyń «Anaǵa aparar jol» fılmimen ashyldy. Al 5 mamyrda omandyqtar qazaq handyǵynyń qurylýy týraly baıandaıtyn, rejısseri Rústem Ábdirashevtyń «Almas qylysh» tarıhı fılmin tamashalaıtyn bolady.
Aınash ESALI,
«Egemen Qazaqstan».
ALMATY