Sıfrly álemge áıelder umtylysy zor

Onda elimizdegi áıelder kásip­kerligin álemdik ekono­mıka­nyń damý deńgeıine shyǵa­rý jaıy talqylandy. Tehno­lo­gııalardyń damýy álemdi ek­pin­di túrde ózgertýde. Bul birinshi kezekte bızneske qatysty. Sıfrly júıege kóshýdi esker­meıtin kásipkerler keleshekte ekonomıkanyń damýyna ilese almaıdy. Jańa júıeniń damý jaǵdaıynda bıznesti qalaı qaıta qurýǵa bolady? Oǵan isker áıelder qaýymdastyǵy qandaı úles qosa alady? Jalpy, áıelder qaýymy ýaqyt talabyna qalaı daıyn bolýy kerek? Forýmda, mine, osy máseleler keńinen talqylandy. 

Sharanyń ashylýynda Aq­parat jáne kommýnıka­sııa­lar mı­nıstri Dáýren Abaev sóz sóı­ledi. «Biz sıfr­landyrý baǵ­dar­lamasynda basqa elder­degi barlyq tájirıbeni tańdap al­dyq. «Sıfrly Qazaqstan» baǵdar­lamasyn júzege asyrý arqy­ly elimiz jaqsy jaqqa ózge­rip, múlde basqa memleket­ke aınalady. Memleket basshy­sy atap ótkendeı, tórtinshi óner­kásiptik revolıýsııa tehnolo­gııalaryn qazaqstandyq qaýym­dastyqtyń barlyq salalaryna tartý bizdiń mindetimiz bolyp tabylady», dedi mınıstr.

D.Abaev osy tusta el­degi iri ári yqpaldy birles­tik­terdiń birine aınalǵan Qazaq­stan­nyń isker áıelderi qaýymdas­tyǵynyń rólin de erekshe atap ótti. «Úlken jetistikterine qara­mastan, áıelder kásipker­liginde úlken áleýet bar. Al al­daǵy sıfrlandyrý dáýiri bul jańa múmkindikter bolyp tabylady, sol sebepti ol áleýet­terdi biz júzege asyra alamyz dep senemin. Ekono­mıka salalaryn sıfrlandyrý ká­sipkerlik salasy úshin úlken qy­zyǵýshylyq týdyryp otyr. Osy baǵyt aıasynda biz elek­trondy saýdaǵa, sonyń ishin­de aýyldyq jerlerdegi saý­daǵa basymdyq beretin bolamyz. Qazirdiń ózinde bul al­ǵashqy nátıjelerin berip otyr. Osy oraıda, elektrondy saý­danyń damýyna yqpal ete­tin­deı Salyq kodeksine birqa­tar ózger­týler engizildi», degen mınıstr ınternet-dúken­der qurý bo­ıynsha arnaıy oqý­lar da uıym­das­tyryl­ǵanyn atap ótti. Sonymen qatar elek­trondy tólemder qabyldaý­dy arttyrý úshin mobıldi tólemderdi júzege asyrýdyń oń­taı­landyrylǵan mehanızmderin engizýdi yntalandyrý máselesi qolǵa alyn­ǵanyn jetkizdi.

«Sıfrly Qazaqstan» baǵ­dar­­lamasyn júzege asyrý maq­satynda memleket eń aldymen aýyldarǵa ınternet jet­kizý úshin kólemdi ınvestısııa salýǵa ázir. Sıfrly tehnolo­gııalar memleketterdiń báse­kege qabilettiliginiń sheshý­shi faktory bolyp otyr. Jańa syn-tegeýrinder ýaq­tyly sheshim qabyldaýdy qajet ete­di. Mine, sondyqtan Mem­leket basshysynyń tapsyrmasy­men bizdiń mınıstrlik «Sıfrly Qazaqstan» aýqymdy baǵ­darlamasyn jasap shyǵardy. Atalǵan qujat bizdiń elimizdiń qo­ǵamdyq-ekonomıkalyq tur­ǵydaǵy barlyq salasyn qam­týdy kózdep otyr. Onyń mak­ro­ekonomıkalyq áseri de aıqyn bolmaq», dedi mınıstr. Forým jumysyna jalpy Qazaqstannyń túkpir-túkpirinen 300-den asa kásipker, solardyń ishin­de qaýymdastyqtyń «Jas qanat­tar» músheleri, sonymen qatar Qazaqstan men shetelden kelgen 20 spıker qatysýda. Solardyń ishinde Muzan Group dırektory Dıana Mýzan (AQSh), sandyq strategııalar men ınnovasııalar salasyndaǵy marketıng sarapshysy Mustafa Ichıl (Túrkııa), Nazarbaev ýnıversıteti Bıznes mektebiniń professory Marek Iohes (Chehııa), «Qazaqtelekom» AQ basqarýshy dırektory Bıkesh Kýrmangalıeva, IT-tehnologııalar salasyndaǵy sarapshy Baǵdat Mýsın jáne basqalar bar. 

Shara sheńberinde halyq­aralyq jáne qazaqstandyq je­tekshi sarapshylar sheberlik sa­baqtar, trenıngter júrgizdi jáne «Qazaqtelekom» AQ-tyń bızneske arnaıy usynyp otyr­ǵan platformasy www.ismet.kz saıty tanystyryldy.

Dınara BITIK, «Egemen Qazaqstan»