Maýsymnyń 2-si kúni Qazaqstannyń basym bóliginde atmosferalyq aǵyndardyń ótýine baılanysty aýa raıy qubylmaly bolady, dep habarlaıdy «Qazgıdromet» RMK.
«Qazgıdromet» RMK-si taratqan aqparattar boıynsha, eldiń basym bóliginde jaýyn jaýyp, kún kúrkireıdi. Jel kúsheıip, shańdy daýyl turady. Tuman túsip, burshaq jaýýy da yqtımal. Tek eldiń ońtústik-shyǵysynda, shyǵysynda jáne batysynda ǵana kún ashyq bolady.
Jambyl oblysynyń basym bóliginde jel kúsheıip, jyldamdyǵy sekýndyna 15-20 metrdi údeıdi, ekpini 23-28 metr bolady. Kúndiz oblystyń ońtústik-batysynda jyldamdyǵy sekýndyna 30 metr jáne odan da kúshti jel soǵady. Jekelegen aýdandarda burshaq jaýýy da yqtımal. Qyzylorda oblysynda túnde keı jerlerde jel kúsheıip, sekýndyna 15-20 metr jyldamdyqpen uıtqıdy, ekpini 23-28 metr bolady. Kúndiz óńirdiń basym bóliginde 15-20 metr jyldamdyqpen jel soǵyp, keı jerlerde ol 23-28 metrge deıin kúsheıedi. Jekelegen aýdandarda shańdy daýyl kóterilip, burshaq jaýýy múmkin.
Ońtústik Qazaqstan oblysynda túnde jeldiń jyldamdyǵy sekýndyna 15-20 metrge jetip, kúndiz oblystyń basym bóliginde 15-20 metr, al ekpini 23-28 metr bolady. Munda da jekelegen aýdandarda shańdy daýyl kóterilip, kúndiz burshaq jaýýy yqtımal.
Soltústik Qazaqstan, Qostanaı oblystarynda túnde jel kúsheıip, jyldamdyǵy 15-20 metr bolady. Keı jerlerde ol tipti 23-28 metrge deıin kúsheıedi. Jeklegen aýdandarda tuman túsip, burshaq jaýýy yqtımal.
Aqmola, Pavlodar oblystarynda túnde jeldiń jyldamdyǵy sekýndyna 15-20 metr bolady, kúndiz basym bóliginde 15-20, ekpini 23-28 gradýs bolady. Aqmola oblysynyń keı jerlerine burshaq túsýi múmkin. Qaraǵandy oblysynda túnde keı jerlerde jeldiń jyldamdyǵy sekýndyna 15-20 metr, kúndiz basym bóliginde 17-22 metr bolyp, ekpini 28 metrge jetedi. Jekelegen aýdandarda burshaq jaýýy yqtımal.
Aqtóbe oblysynda túnde keı jerlerde, kúndiz basym bóliginde jeldiń jyldamdyǵy sekýndyna 15-20 metr bolady.
Shyǵys Qazaqstan, Mańǵystaý, kúndiz Atyraý, Batys Qazaqstan oblystarynda jel sekýndyna 15-20 metrge deıin kúsheıedi.
Batys Qazaqstan oblysynda túnde keı jerlerde -2 gradýsqa deıin úsik júredi.
Mańǵystaý oblysynda, sondaı-aq Qyzylorda, Jambyl, Almaty oblystarynyń keı jerlerinde órt qaýpi týyndaıdy.