Densaýlyq saqtaý mınıstrligi menıngıt boıynsha málimdeme jarııalady.
«Qazaqstan Respýblıkasy Densaýlyq saqtaý mınıstrligi azamattardy áleýmettik jelilerdegi kúmándi málimetterge senbeýge shaqyrady», -dep atap ótilgen Densaýlyq saqtaý mınıstrligi Qoǵamdyq densaýlyq saqtaý komıtetiniń Facebook paraqshasyndaǵy vıdeomálimdemede.
Sondaı-aq, Qazaqstannyń Bas sanıtarlyq dárigeri Jandarbek Bekshın WhatsApp-ta jarııalanǵan habarlamaǵa túsinikteme bergen.
«WhatsApp paıdalanýshylar arasynda bir áıeldiń úreıli daýyspen mektepke deıingi mekemelerge baratyn balalarǵa menıngıtke qarsy antıbıotıkpen emdeýdi ótkizge shaqyrǵan. Biraq ol óz esimin, sondaı-aq qandaı uıymnyń atynan málimdeme jasaǵanyn aıtpaıdy. Densaýlyq saqtaý mınıstrligi bul aqparatty rastamaıdy jáne sizderdi áleýmettik jelilerdegi shyndyqqa janaspaıtyn málimetterge senbeýge, tek Densaýlyq saqtaý mınıstriginiń resmı aqparatyn paıdalanýǵa shaqyrady»,-dedi J.Bekshın.
Sonymen qatar ol Qazaqstanda jyl saıyn menıngıtke baılanysty 62-den 424 oqıǵa, keı jyldary 21 oqıǵa tirkeletindigin atap ótti. Bul derttiń aldyn alý joldaryn taǵy bir eske saldy.
Qazaqstanda resmı derekter boıynsha,menıngıtten 9 adamnyń kóz jumǵany tirkelgen. Sońǵy oqıǵa Almatyda 2 maýsymǵa qaraǵan túni boldy. Menıngokokk juqpasynan 5 jasar búldirshin qaıtys boldy.