Memleket basshysy Nursultan Nazarbaev Túrkııa Respýblıkasynyń Prezıdenti Rejep Taııp Erdoǵanmen telefon arqyly sóılesti. Bul týraly akorda.kz habarlady.
Memleketter basshylary áńgimelesý barysynda ekijaqty yntymaqtastyqtyń jáne óńirlik kún tártibiniń ózekti máselelerin talqylady.
Nursultan Nazarbaev Rejep Erdoǵandy bıylǵy 12 maýsymda Eskishehır qalasynda Transanatolııa gaz qubyrynyń (TANAP) resmı túrde iske qosylatyndyǵymen quttyqtady. Qazaqstan Prezıdenti bul jobanyń Túrkııa Respýblıkasynyń tranzıttik áleýetin arttyrýǵa septigin tıgizetinine jáne eldiń ekonomıkalyq damýyna zor yqpal etetinine senim bildirdi.
Sonymen qatar, Nursultan Nazarbaev pen Rejep Erdoǵan eki memleket arasyndaǵy syndarly dıalogty odan ári ilgeriletý máselelerin qarastyrdy.
Telefon arqyly sóılesýge Túrkııa jaǵy bastamashy boldy.