Qazaqstannyń tanymal mánerlep syrǵanaýshysy, Azııa oıyndary men jasóspirimderdiń Dúnıejúzilik Olımpıadasynyń qola júldegeri Elızabet Týrsynbaeva endi reseılik maman Eterı Týtberıdzeniń qol astynda jattyǵady.
1974 jyldyń 24 aqpanynda Máskeýde týyp-ósken Eterı Týtberıdze sportshy retinde eleýli tabystarǵa qol jetkizbegenimen, bapkerlik kásipti jaqsylap meńgerip, óz shákirtterimen birge kóptegen bıik belesterdi baǵyndyrdy. 1994-1998 jyldar aralyǵynda ol AQSh-ta eńbek etti. Keıinnnen Reseıge oralyp, birqatar daryndy jastardy halyqaralyq arenaǵa shyǵardy. Ásirese, 2014 jyl Týtberıdze úshin asa tabysty boldy. Sol jyldyń qańtar aıynda Býdapeshte ótken Eýropa chempıonatynda aıtýly mamannyń qol astynda jattyqqan Iýlııa Lıpnıskaıa altynnan alqa taǵynsa, Sergeı Voronov kúmis medaldi ıelendi. Al aqpan aıynda Sochıde alaýy tutanǵan Olımpıada oıyndarynda 15 jasar Lıpnıskaıa komandalyq saıysta bas júldeni oljalady. Sonymen qatar, Evgenııa Medvedeva, Polına Sýrskaıa, Serafıma Sahanovıch, Adıan Pıtkeev syndy has sheberler ár jyldary Eterı Týtberıdzeniń qol astynda jattyqty.
Ázirge qos tarap 2022 jyly Beıjińe ótetin Olımpıada oıyndaryna deıin birlesip jumys isteýdi kózdep otyr. Buǵan deıin bes jyl boıy Kanadanyń áıgili bapkeri Braıan Orserden tálim alǵan Elızabet Týrsynbaeva endi Reseıdiń áıgili sportshysy, Phenchhan Olımpıadasynyń jeńimpazy Alına Zagıtovamen birge jattyǵatyn bolady.
Ǵalym SÚLEIMEN,
«Egemen Qazaqstan»
ALMATY