Jaqynda Astana qalasynyń 20 jyldyq mereıtoıy men Elbasynyń «Bolashaqqa baǵdar: rýhanı jańǵyrý» baǵdarlamasy aıasynda Ulttyq mýzeıde «О́tkendi eske alý – bolashaqqa jol» atty óńir mýzeıleriniń kóshpeli kórmesi ashylǵan.
Osy sharaǵa atsalysqan ujymdardyń biri – Soltústik Qazaqstan oblystyq mýzeıler birlestigi ózderiniń jerlesi hám qazaqtyń daryndy aqyny Maǵjan Jumabaevtyń ómir tarıhy men shyǵarmashylyǵyna qatysty 90-ǵa jýyq eksponat jıyntyǵyn ákelipti. Osylardyń ishinen kózimizge ottaı basylǵan buıym – Maǵjannyń jaınamazy.
Jaınamazdyń kólemi ádettegideı shaǵyn. Shamamen 1,50 h 0,50 metr. Uzaq jyl úzdiksiz paıdalanylǵandyqtan tesilip, úsh jerine matadan jamaý japsyrylǵan. Jádigerdiń sájdege mańdaı tıer tusynda Ystanbul qalasyndaǵy eń kóne ǵımarat – Aııa Sofııa meshitiniń HIH ǵasyrdaǵy beınesi salynǵan. Soǵan qaraǵanda bul túrik baýyrlarymyz jasaǵan buıym bolýy ábden múmkin. Sondaı-aq qos qaptaly sándi oıýmen kómkerilgen. Oıý-órnek stılin biletinder bul osmanly túrkilik dáýirine tán sándik beıneleý óneri deıdi. О́ıtkeni joǵarydaǵy Aııa Sofııa ǵımaratynyń ishki kórkem bezendirý úlgisi dál osyǵan uqsas. Jaınamazdyń ekinshi aıaq pen tize tıetin aýmaǵy ǵıbadat úıiniń mıhrabyn beıneleıtin sýretti oıýlarmen kómkerilipti.
Soltústik Qazaqstan oblystyq mýzeıler birlestigi ǵylymı ádistemelikpen qamtamasyz etý bóliminiń meńgerýshisi Gúljaýhar Sádýaqasova bul buıym shamamen HH ǵasyrdyń basynda jasalǵan degen boljam aıtady.
Jaınamazdy sary maıdaı saqtap, joǵaltpaı búginge jetkizgen adam – Maǵjanyń týǵan inisi Sálimjannyń balasy Tasbolat Sálimjanuly Bekenov. Bul kisi 2003 jyly Maǵjannyń týǵanyna 110 jyl tolǵan mereıtoıy ústinde óz qolymen ákelip mýzeıge tapsyrǵan.
Beken QAIRATULY,
«Egemen Qazaqstan»
Sýretti túsirgen Orynbaı BALMURAT,
«Egemen Qazaqstan»