Elimizdiń tanymal fýtbolshysy Núrken Mázbaev «Taraz» klýbynyń tizginin ustady. Bul jańalyqty jergilikti jankúıerler jyly qabyldady.
1972 jyly Jambyl oblysynyń ortalyǵynda dúnıege kelgen Núrken Mázbaev uzaq jyldar «Taraz» jáne elimizdiń basqa da klýbtarynda óner kórsetti. 1996 jyly atalmysh komanda sapynda jáne 2000 jyly Astananyń «Jeńisimen» birge Qazaqstan birinshiliginiń bas júldesin oljalady. Qazaqstan ulttyq quramasy sapynda 13 kezdesý ótkizip, qarsylastar qaqpasyn eki márte dál kózdedi.
Sonymen qatar «Taraz» klýbynyń sporttyq dırektory qyzmetine Azamat Nııazymbetovtiń taǵaıyndalǵanyn aıta keteıik. Ol da Áýlıe ata óńiriniń týmasy. О́ziniń sporttyq karerasyn respýblıkamyzdyń birqatar klýbtarynda ótkizgen Azamat jasyl alańda ózindik qoltańbasymen erekshelendi. Eki ret el chempıony atanyp, eki márte kýbokty ıelendi. Birer jyl Qazaqstannyń olımpıalyq quramasy men ulttyq komanda sapynda oınap, san myń kórermenniń kózaıymyna aınaldy.
Ǵalym SÚLEIMEN,
«Egemen Qazaqstan»