Búgin Dýshanbede TMD elderiniń qurylys salasynyń ókilderi TMD qurylysyndaǵy aqparattyq modeldeý tehnologııalary salasynda normatıvtik-tehnıkalyq bazany damytý jónindegi shaǵyn komıssııa qurdy, dep habarlady «Qazaq qurylys jáne sáýlet ǵylymı-zertteý jáne jobalaý ınstıtýty» AQ PR-qyzmeti.
Komıssııanyń alǵashqy otyrysy 2018 jyldyń qyrkúıek aıynda Qazaqstanda Qazaq qurylys jáne sáýlet ǵylymı-zertteý jáne jobalaý ınstıtýtynyń («QazQSǴZI» AQ) tóraǵalyǵymen ótedi.
Ýaǵdalystyqqa TMD elderiniń Qurylys qyzmetindegi yntymaqtastyǵy jónindegi úkimetaralyq keńesiniń tehnıkalyq retteý máseleleri boıynsha Bazalyq uıymnyń úshinshi otyrysynyń barysynda qol jetkizilgen.
2018 jyldyń 7-9 maýsymy aralyǵynda Dýshanbede ótken is-sharaǵa Reseıden, Qazaqstannan, Qyrǵyzstannan, О́zbekstannan jáne Tájikstannan kelgen qurylys salasynyń mamandary qatysty.
Aleksandr Shahnovıch, Qazaq qurylys jáne sáýlet ǵylymı-zertteý jáne jobalaý ınstıtýtynyń («QazQSǴZI» AQ) Damý jáne sıfrlandyrý jónindegi basqarýshy dırektory «Qurylystaǵy aqparattyq modeldeý salasyndaǵy memleketaralyq ózara áreket etýdiń negizgi aspektileri» baıandamasymen sóz aldy.
«2017 jyly QazQSǴZI sarapshylary Qazaqstannyń qurylys salasyna aqparattyq modeldeýdi engizý tujyrymdamasyn ázirledi, al osy jyldyń sáýir aıynda bizdiń sarapshylar normatıvtik-tehnıkalyq qujattardy keıinnen durys sıfrlaý úshin termınderdiń óz arasyndaǵy ózara baılanysyn sıpattaıtyn, sondaı-aq aqparattyq modeldeý tehnologııalary boıynsha biryńǵaı memleketaralyq sıfrlyq sózdik qurýdy usyndy. 2018 jyldyń qyrkúıek aıyna josparlanǵan TMD qurylysyndaǵy aqparattyq modeldeý tehnologııalary salasyndaǵy normatıvtik-tehnıkalyq bazany damytý boıynsha shaǵyn komıssııanyń otyrysy TMD elderiniń qurylysyndaǵy jańa tehnologııalardy damytýdaǵy yntymaqtastyqty keńeıtýge jáne kúsheıtýge múmkindik beretinine senimdimin», – dedi «QazQSǴZI» AQ bas dırektory Begman Kýlbaev.
Bazalyq uıymnyń otyrysynda seısmıkaǵa tózimdi qurylys boıynsha normalardy úılestirý jáne damytý máselesine, birlesken eksperımentaldyq-teorııalyq zertteýler júrgizýge erekshe nazar aýdaryldy.
Qazaqstan TMD aımaǵynda seısmıkaǵa tózimdi qurylys salasyndaǵy tanylǵan sarapshy bolyp tabylatyndyqtan, «QazQSǴZI» AQ Tehnıkalyq máseleler jónindegi bas dırektordyń keńesshisi, TMD-ǵa qatysýshy memleketterdiń seısmıkaǵa tózimdi qurylys boıynsha normalardy úılestirý jáne damytý máseleleri boıynsha tehnıka ǵylymdarynyń doktory, Mırken Abaqanovtyń baıandamasy asa qyzyǵýshylyqpen tyńdaldy.
О́z kezeginde, «QazQSǴZI» AQ О́ndiris jónindegi basqarýshy dırektory Eraly Shoqbarov «QazQSǴZI» AQ bazasynda seısmıkaǵa tózimdi qurylys boıynsha Bazalyq uıym qurý usynysymen sóz aldy.
Osy máseleniń ózektiligine jáne osy taqyryp boıynsha máselelerdi keńinen qarastyrý qajettiligine baılanysty, seısmıkaǵa tózimdi qurylys boıynsha jekelegen otyrysty júrgizý boıynsha sheshim qabyldandy, dnp habarlaıdy «QazQSǴZI» AQ PR-qyzmeti.
Aınash ESALI,
«Egemen Qazaqstan»
ALMATY