Qazkom banktik lısenzııasyn ótkizedi, - dep habarlaıdy qarjy ınstıtýtynyń baspasóz qyzmeti. Halyk Bank basqarma basshysy Úmit Shaıahmetova muny "eki banktiń birigýiniń tarıhı prosesindegi josparly meje" dep atady.
"Bul sáttiń mańyzyn tolyq túsinemiz, sondyqtan Qazkom klıentteri tek jaqsy ózgerister kórýine kúsh salyp jatyrmyz. Qos banktiń komandalary operasııalardyń Halyq bankinde shoǵyrlandyrýda birneshe aı eńbektenip jatyr. Halyq banki Qazkom klıentteri men kontragentteri aldyndaǵy barlyq jaýapkershilikti óz moınyna alady. Klıentter esebi ótkizilgennen keıin Qazkom-ǵa banktik lısenzııa qajet emes. Sondyqtan ony ótkizý týraly sheshim qabyldandy. Bul aktıvter birikkennen keıin bolady, oǵan deıin Qazkom jumysyn qalypty tártipte jalǵastyrady" - deıdi Úmit Shaıahmetova.
2018 jyldyń 14 maýsymyndaǵy Qazkom aksıonerleriniń kezektin tys jınalysynda lısenzııany Halyq bankine erikti túrde tapsyrý týraly sheshim qabyldandy. Munyń aldynda QR Ulttyq bankinen Qazkom-dy erikti túrde Halyq bankine qosý týraly ruqsat alynǵan. "Qazkom barlyq múddeli tulǵalarǵa bank qyzmeti ótkizý aktisine qol qoıylǵansha qalypty jumys isteıtinin habarlaýdy kerek dep tapty. Osy ýaqyttan keıin Qazkom bankiniń barlyq quqyqtary men mindetteri Halyq bankine ótkizedi.
Halyk Bank belgili ýaqytqa "Kazkommersbank / Qazkom" brendin saqtaı otyryp, bank klıenteri men seriktesterine qalypty rejımde qyzmet kórsetedi", - dep atap ótti baspasóz qyzmetiniń ókilderi. 2018 jyldyń 20 sáýirinde eki bank aksıonerleriniń birikken jınalysynda Halyq bankine qosylý týraly sheshim qabyldanǵan.