2018 jyl basynan beri 4,9 mıllıon tonna astyq tasymaldandy. Bul kórsetkish 2017 jylmen salystyrǵanda 49% joǵary kórsetkish, dep habarlaıdy «QTJ-Júk tasymaly» AQ baspasóz qyzmeti.
Eksportqa 3,7 mln. tonna astyq jóneltildi. Iran baǵdaryna 700 myń tonnadan astam astyq jiberilse, ol ótken jylmen salystyrǵanda úsh esege joǵary. О́zbekstanǵa 1,2 mıllıon tonna jiberilse, ol ótken jyldyń sáıkes merzimimen salystyrǵanda 63 % joǵary. Qytaı (+23%), Aýǵanstan (+53%) baǵdaryna astyq tasymaly kóbeıdi.
Bıylǵy jylǵy bes aıda un tasymaldaý 1,2 mıllıon tonna boldy. О́zbekstanǵa jiberilgen astyq kólemi 47 %, Túrkmenstanǵa qaraı 2,6 esege ósti.
2018 jylǵy mamyrdan bastap «Astyq-Trans» AQ astyq vagondaryn paıdalaný aqysyn 15 paıyzǵa tómendetti. Iаǵnı, eksporttyq tasymalǵa táýligine 9 myń teńge arzandasa, respýblıkaishilik baǵdarǵa 4,5 myń teńgege tústi. Mundaı jeńildik úsh jyldan beri qoldanylyp keledi.
Mundaı baǵany tómendetý sharasy jylma jyl jazǵy maýsymda jasalady. Bul óz kezeginde eksporttyq tasymal, jalpy júk aǵyny, vagon jetispeýshiligi jáne jyljymaly quram ıeleriniń arasyndaǵy básekelestiktiń artýyna baılanysty bolyp otyr.
2018 jyly «Ýzbekıston temır ıýlları» AQ men «QTJ» UK» AQ eki el aýmaǵymen eksporttyq júkterdi tasymaldaýǵa qolaıly tarıftik jeńildikter jasaýǵa ýaǵdalasty. Kelisim astyq, un ónimderine de qatysty.
2018 jylǵy 1-mamyrdan bastap Qazaqstannan shyǵatyn astyq, un ónimderine tómendetilgen koeffısıentter: Keles – Hodjadavlet – 50%; Keles – Galaba – 20% baǵdarlaryna jasaldy. Osylaısha, qazaqstandyq jáne ózbekstandyq astyq óndirýshilerge qolaıly jaǵdaı jasaldy.
2004 jyldan beri «Qazaqstan temir joly» UK» AQ múkámmál múlik parki menshiginde jabyq vagondar, jartylaı ashyq vagondar, astyq vagondary joq. Eksporttyq-ımporttyq baǵdarlarda Ortalyq Azııa men Kavkazdyń temirjol ákimshilikteriniń vagondary paıdalanylady. Jalpy alǵanda, kórshi memleketterden tartylatyn jalpy vagondardyń 4% astyq vagondary, 3% jabyq vagondar quraıdy.
Atalmysh park maýsymdyq kezde bolǵandyqtan, ol astyq pen un ónimderin tasymaldaýǵa jáne onyń baǵasyn jasaqtaýda mańyzdy ról atqarmaıdy.
2018 jylǵy 28 mamyrdan bastap barlyq menshik ıeleriniń múkámmál múlik parkine birdeı múmkinshilik jasalǵan. Bul óz kezeginde qazaqstandyq menshik ıeleri kórshiles eldermen birge básekelesip, óz parkin tolyqtyrýǵa ınvestısııa tartýyna jol ashatyn bolady.
Máselen, «QTJ-Júk tasymaly» AQ ótken jyldyń tórtinshi toqsanynda qazaqstandyq hopper astyq vagondaryna suranys kóp bolǵandyqtan, kórshiles elderden vagon kómegin alýǵa týra keldi. Bul óz kezeginde ár aı saıyn 1 mıllıon tonna astyq tasymaldaýǵa múmkindik áperdi.
Atap óterligi, vagon kómegi menshik ıesi bolyp tabylatyn elge táýligine 17 shveısar frankine túsedi. Elimizde teńge qunynyń tómendeýine baılanysty basqa kórshiles elderdiń temirjol ákimshilikteriniń múkámmál múlik parkin paıdalaný eki esege ósken. Bıylǵy bes aıda jabyq vagondar men astyq vagondaryna 3,7 mln. shveısar franki, teńgege shaqqanda 1,3 mlrd. teńge qurady. Temirjol tarıfynda bul shyǵyndy jabýǵa 19% qarastyryldy.
Astyq tasymaldaýdyń negizgi bóligin qaıtarymsyz qarjy (sýbsıdııa) esebinen temirjol japty. Bul shara agrarlyq salasynyń tabysyn túsirmeý úshin qoldanyldy.
Jalpy alǵanda, «Qazaqstan temir joly» UK» AQ tarapynan jasalyp jatqan sharalar astyq pen un ónimderin tasymaldaýdaǵy aýytqýshylyqtardy boldyrmaýǵa baǵyttalǵan.
Aıta keteıik, qazirgi kezde «Astyq Trans» AQ basqarýynda 6,4 myńnan astam astyq vagondary bar. Basqa menshik ıeleri men operatorlarynda 1870 dana vagon bar. Qazaqstandaǵy jalpy jabyq vagondarynyń sany -12 myń dana bolsa, onyń 8 myńy «Qaztemirtrans» AQ menshiginde bolsa, qalǵandary jeke operatorlardyń menshigi.