2018 jylǵy 1 shildeden Vıza alýshylardyń Qazaqstan Respýblıkasyna kelýine shaqyrýlardy resimdeý jáne vızalardy berý tártibine (QR SIM jáne QR IIM 2016 jylǵy 26 qarashadaǵy №1100 birlesken buıryǵy) engizilgen ózgertýler óz kúshine enedi, dep habarlaıdy QR IIM baspasóz qyzmeti.
«Qazaqstan Respýblıkasy aýmaǵyna sheteldikterdiń enýine shaqyrtý jiberý merzimi qysqartyldy. Shaqyrtýdy vıza alýshynyń Qazaqstanǵa kelýine deıin 5 kúnnen keshiktermeı jiberý kerek. Buǵan deıin bul merzim 14 kúndi quraǵan. Shaqyrtýda sheteldik azamattyń Qazaqstanda toqtaıtyn mekenjaıy jáne júretin jerleri kórsetiledi», - delingen habarlamada.
Sondaı-aq, shaqyrtýda Qazaqstan Respýblıkasynyń arnaıy eldi mekenderine sáıkes keletin ákimshilik-aýmaqtyq nysan jikteýishiniń kody kórsetiletin bolady. Kodty tómendegi silteme boıynsha bilýge bolady.
Sheteldik azamatta Qazaqstannyń vızasy bolǵan jaǵdaıda ol kóshi-qon organdarynda tirkelmeıdi, sebebi eldegi toqtaǵan mekenjaıy men júretin jerleri shaqyrtýda kórsetilip turady.
Qoldanystaǵy vızanyń merzimin uzartýǵa kujat tapsyrý úshin 30 jumys kúninen keshiktirmeı jáne vızanyń merzimi aıaqtalǵanǵa deıin 5 kún buryn ótinish bildirý kerek.