«Ulttyq dombyra kúni» О́skemende ózgeshe atap ótildi. О́zgesheligi sol, bul kúni Qazaqstan halqy Assambleıasynyń Shyǵys Qazaqstan oblystyq hatshylyǵynyń uıymdastyrýymen shahardaǵy perzenthanalarda ómir esigin ashqan nárestelerge qazaqtyń kıeli aspaby dombyra tartý etildi.
Oblys ortalyǵyndaǵy Dostyq úıi – qoǵamdyq kelisim ortalyǵy dırektorynyń mindetin atqarýshy L.Jumasheva, qalalyq aqsaqaldar keńesiniń tóraǵasy Saılaýhan Aýhadıev, oblystyq «Musylman áıelderi» qoǵamdyq birlestiginiń belsendi múshesi Gúlshat Smaǵulova Medısınalyq jedel-járdem aýrýhanasynyń perzenthanasynda 1 shildede dúnıege kelgen sábıdiń áke-sheshesin merekemen quttyqtap, dombyra syılady. Saılaýhan Aýhadıev aqsaqal qazaqy jolmen sábıge aq batasyn berip, dombyramen qosa gúl shoǵyn tartý etti. «Shynyn aıtsam, tańǵalyp turmyn. Endi bul dombyrany qasterlep, tórimizge ilip qoıatyn bolamyz. Ulttyq aspabymyzdy ulyqtap jatqan uıymdastyrýshylarǵa myń alǵys», - deıdi dál osy kúni sábıli bolǵan jas ana Erkejan Pazylova.
Aıta keteıik, osy kúni tek О́skemende ǵana emes, óńirdiń Semeı qalasy men birqatar aýdandarynda da osyndaı shara uıymdastyryldy.
Azamat QASYM,
«Egemen Qazaqstan»
О́SKEMEN