Oblystyq ishki ister departamentiniń bastamasymen qurylǵan Jol-patrýldik qyzmet batalony quramyndaǵy polısııa jasaǵy oblys ortalyǵyndaǵy saıabaqtar men saıajaılarda qoǵamdyq tynyshtyq saqtaýda qyzmet kórsetýde. Bul qyzmet úshin ákelingen 15 attyń barlyǵy da qolǵa úıretilgen. Attardyń kútimimen polıseılerdiń ózderi aınalysady. Jasaq arnaıy kestege sáıkes qyzmet jasaıdy.
О́tken jyly oblys ortalyǵyndaǵy saıajaılarda 157 quqyq-buzýshylyq oryn alypty. Sondyqtan, quqyq buzýshylyqtyń aldyn-alý maqsatynda qazir atty polısııa jasaǵy 3 aýsym boıynsha kúndizgi, keshki, túski ýaqyttarda saıajaılardy baqylaıdy. Atty polıseıler belgilengen baǵyttarda eki-ekiden júredi. Qalalyq ishki ister basqarmasy jergilikti polısııa qyzmetiniń habarynsha, aldaǵy ýaqytta attar sany 70-ke jetip, polıseıler qalanyń soltústik bóliginde ornalasqan saıajaılarmen qatar Ertis jaǵalaýyndaǵy tynyshtyqty qadaǵalaıdy. Atty polıseıler maýsym men qazan aılarynyń aralyǵynda qyzmet atqarady.
Farıda BYQAI,
«Egemen Qazaqstan»
Pavlodar